Qaraǧandy oblysynyŋ jūmyspen qamtudy üilestıru jäne äleumettık baǧdarlamalar basqarmasy adam saudasynyŋ qūrbandaryna äleumettık kömek körsetu üşın 5 769 000 teŋge qarjy bölındı, dep habarlaidy “Adyrna” ūlttyq portaly satypalu.gov.kz saityna sılteme jasap.
Atalǧan memlekettık satyp alu 31 şılde künı "Adam satu qūrbandaryna arnauly äleumettık qyzmet körsetu" degen taqyryppen jariialanǧan. 5 769 000 teŋgege baǧalanǧan tender jeŋımpazy 10 tamyz künı anyqtalady. Tehnikalyq sipattamada tapsyrys oryndauşy adam saudasynyŋ qūrbandaryna arnauly äleumettık qyzmetterdı ūsynatyny jazylǧan. "Jobany jüzege asyru orny Qaraǧandy qalasy, ıske asyru merzımı 2023 jyldyŋ aqpan-jeltoqsan ailary ekenı" körsetılgen.
Qaraŋyz (Mätın qaz-qalpynda berıldı): "Qyzmet aluşylardyŋ sany 2023 jyly – 7 adam. Qarjylandyru somasy şart jasalǧan künnen bastap 2023 jylǧy qarjy jylynyŋ 274 künıne (9 aiyna) eseptelgen. Qajet bolǧan kezde qarjy jylynyŋ qalǧan künderın äleuettı önım beruşı arnauly äleumettık qyzmetterdı öz qarajaty esebınen ūsynady".
Būl oraida özdıgınen "Qaraǧandy oblysynyŋ jūmyspen qamtudy üilestıru jäne äleumettık baǧdarlamalar basqarmasy jyldan şatasyp otyr ma?" degen zaŋdy sūraq tuyndaidy. Äitpese, ötken2023 jylǧy şaralarǧa biyl aqşa böluı zaŋǧa qaişy emes pe? Bızdıŋ oiymyzşa, basqarma 2023jyly jazylǧan tehnikalyq sipattamany 2024 jyly özgertpesten köşıre salǧan. Sonyŋ özınde basqarma biylǧy jyldyŋ qaŋtar-jeltoqsan ailarynyŋ arasynda atqaryluy tiıs jūmystarǧa şıldenıŋ aiaǧynda bır-aq tender jariialap otyr degen söz.
Tapsyrys oryndauşy aldaǧy tört aida qūjattarda taiǧa taŋba basqandai körsetılgen 274 kündık, iaǧni 9 ailyq jūmysty qalai jasaidy? Mysaly, tehnikalyq sipattamada tapsyrys oryndauşy adam saudasynyŋ qūrbandaryna 6 aiǧa deiın uaqytşa tūruǧa baspana tauyp beruı kerektıgı jazylǧan. Jeltoqsan aiyna deiın bar bolǧany 4 aiǧana merzım qaldy. Al, qūjatta basqarma qaidaǧy 274 kündı aityp otyr? Būl - bır.
Ekınşıden, Qaraǧandyda 2023 jyly adam saudasynyŋ qūrbany bolǧan 7 adam bolǧan eken. Biyl qanşa adam bar? Tender jeŋımpazy naqty qanşa azamatqa äleumettık, ruhani, psihologiialyq järdem körsetetını anyq jazylmaǧan. Joq älde, byltyrǧy 7 adam biyl da kömekke mäjbür me?
Üşınşıden, jyl boiy atqaryluy kerek jobaǧa ne sebeptı soŋǧy tört ai qalǧanda tender jariialanady? Tenderdı ūtyp alǧan kompaniia 274 künnıŋ esebın qalai tapsyrmaq?
Būl sūraqtardy atalmyş basqarmaǧa joldadyq. Olardan jetken jauapty da jariialaityn bolamyz!
Aqan Asyl
“Adyrna” ūlttyq portaly
