Búgingi tańda Aqmola oblysynda jalpy kontıngenti 38 myńǵa jýyq tárbıelenýshisi bar 600-deı mektepke deıingi bilim berý uıymdary jumys isteıdi. Bul 258 balabaqsha men 338 mektepke deıingi shaǵyn ortalyq.
«Mektepke deıingi uıymdardy engizý men ashýdyń 2024-25 jyldarǵa arnalǵan túzetilgen qadamdyq josparyna sáıkes aǵymdaǵy jyly 1600-den astam jańa oryn qurý josparlanýda. Bul 1381 oryndyq 10 mektepke deıingi uıymnyń ashylýy jáne jumys istep turǵan 7 mektepke deıingi uıymnyń 242 orynǵa keńeıýi» - dep bólisti oblystyq bilim basqarmasynyń mektepke deıingi jáne jalpy orta bilim berý bóliminiń bas mamany Andreı Maıbah.
Jyl sońyna deıin 2 jastan 6 jasqa deıingi balalardyń 93 paıyzy mektepke deıingi tárbıemen jáne oqytýmen qamtý josparlanyp otyr.
2024 jyldyń basynan beri 545 jańa oryn quryldy. elınograd, Ereımentaý jáne Shortandy aýdandarynda 391 oryndyq 3 jekemenshik balabaqsha ashyldy.
Jumys istep turǵan 5 balabaqshada qosymsha 150-den astam oryn quryldy.
Aıta keteıik, oblysta 1286 oryndyq 5 balabaqsha qurylysy jalǵasýda. 280 oryndyq balalar mekemeleri elınograd aýdany, Qosshy qalasy, Krasnyı Iar aýyly men Kókshetaý qalasynda jáne 166 oryndyq mobıldiligi tómen toptar úshin Kókshetaý qalasynda salynyp jatyr.
