Aqmola oblysy PD uıymdasqan qylmysqa qarsy kúres basqarmasy «Qarmet» AQ kásiporny aýmaǵynan uzaq ýaqyt boıy janar-jaǵarmaı materıaldaryn urlaýmen aınalysqan qylmystyq topty ustady. Bul týraly búgin, 25 shildede Ishki ister mınıstrliginiń baspasóz qyzmeti jazdy, dep habarlaıdy «Adyrna» tilshisi.
Jábirlenýshi taraptyń málimetinshe, kásiporynǵa 50 mln teńgeden astam shyǵyn keltirilgen.
«Qarmet» AQ qaýipsizdik qyzmetimen birlesip, kásiporyn qyzmetkerleriniń, onyń ishinde kúzet qyzmetiniń janar-jaǵarmaı jymqyrýǵa qatysy bar-joǵy tekserilýde. Tintý is-sharalary barysynda ustalǵandardan 5,5 tonnaǵa jýyq dızel otyny, iri kólemde qarajat jáne is boıynsha ózge de zattaı dáleldemeler tárkilendi. Barlyq kúdikti ýaqytsha ustaý ızolıatoryna qamaldy. Sotqa deıingi tergeý júrgizilip jatyr»,—dedi IIM uıymdasqan qylmysqa qarsy kúres departamentiniń ókili Qýandyq Alpys.
Eske salaıyq, buǵan deıin Ishki ister mınıstrligi «Qarmet» AQ-dan asa iri mólsherde urlyq jasady degen kúdikpen qylmystyq toptyń eki múshesine izdeý salǵan edi.