Kıev Máskeýmen «Reseı adal kelissózder júrgizýge daıyn bolǵan kezde» kelissózder proesine kirisýge daıyn ekenin jetkizdi, dep habarlaıdy “Adyrna” ulttyq portaly Deutsche Welle saıtyna siltep.
Bul týraly sársenbi, shildeniń 24-i kúni Ýkraına syrtqy ister mınıstri Dmıtrıı Kýleba Gýanchjoýǵa sapary barysynda qytaılyq áriptesi Van Imen kezdeskeninde málimdedi.
Kýlebanyń aıtýynsha, qazirgi tańda Reseı tarapynan mundaı daıyndyq joq.
«Sharttar men ýaqyt áli kelmese de, biz beıbitshilikti ilgeriletýge baǵyttalǵan barlyq kúsh-jigerdi qoldaımyz jáne osynda syndarly ról atqarýǵa daıynbyz», - dedi Qytaı SIM basshysy Van I.
Kýleba sonymen qatar Ýkraına tarapy Qytaı men Brazılııa 2024 jyldyń mamyr aıynda usynǵan beıbitshilik josparyn «muqııat zerttegenin» aıtty.
Al Reseı prezıdentiniń baspasóz hatshysy Dmıtrıı Peskov brıfıngte Ýkraına syrtqy ister mınıstrligi basshysynyń sózderine túsinikteme bere otyryp, Máskeý Kıevpen «kelissózderden eshqashan bas tartpaǵanyn» aıtty.
«Joldaýdyń ózi bizdiń ustanymymyzben úndes dep aıtýǵa bolady, bile bilseńizder, reseılik tarap kelissózderden eshqashan bas tartqan emes, kelissózder proesine ashyqtyǵyn saqtap kelgen, biraq bul jerde biz áli naqtysyn bilmeımiz. Bul másele boıynsha biraz túsinikteme kútý kerek», - deıdi Kreml ókili.
