Ukraina kelıssöz jaily aitty, Resei de ketärı emes

Kiev Mäskeumen «Resei adal kelıssözder jürgızuge daiyn bolǧan kezde» kelıssözder prosesıne kırısuge daiyn ekenın jetkızdı, dep habarlaidy “Adyrna” ūlttyq portaly Deutsche Welle saityna sıltep.  Būl turaly särsenbı, şıldenıŋ 24-ı künı Ukraina syrtqy ıster ministrı Dmitrii Kuleba Guanchjouǧa sapary barysynda qytailyq ärıptesı Van İmen kezdeskenınde mälımdedı. Kulebanyŋ aituynşa, qazırgı taŋda Resei tarapynan mūndai daiyndyq joq. «Şarttar men uaqyt älı kelmese de, bız beibıtşılıktı ılgerıletuge baǧyttalǧan barlyq küş-jıgerdı qoldaimyz jäne osynda syndarly röl atqaruǧa daiynbyz», - dedı Qytai SIM basşysy Van İ. Kuleba sonymen qatar Ukraina tarapy Qytai men Braziliia 2024 jyldyŋ mamyr aiynda ūsynǧan beibıtşılık josparyn «mūqiiat zerttegenın» aitty. Al Resei prezidentınıŋ baspasöz hatşysy Dmitrii Peskov brifingte Ukraina syrtqy ıster ministrlıgı basşysynyŋ sözderıne tüsınıkteme bere otyryp, Mäskeu Kievpen «kelıssözderden eşqaşan bas tartpaǧanyn» aitty. «Joldaudyŋ özı bızdıŋ ūstanymymyzben ündes dep aituǧa bolady, bıle bılseŋızder, reseilık tarap kelıssözderden eşqaşan bas tartqan emes, kelıssözder prosesıne aşyqtyǧyn saqtap kelgen, bıraq būl jerde bız älı naqtysyn bılmeimız. Būl mäsele boiynşa bıraz tüsınıkteme kütu kerek», - deidı Kreml ökılı.