Olımpıada túrleri boıynsha sportty damytý dırekııasynyń basshysy men qyzmetkeri bıýdjet qarajatyn jymqyrǵandary úshin sottaldy, dep habarlaıdy "Adyrna" ulttyq portaly Astana qalasynyń prokýratýrasyna siltep.
Prokýratýranyń málimetinshe, dırekııa basshysy 60 mıllıon teńgeden astam bıýdjet qarajatyn urlaǵan. Odan bólek, qaramaǵyndaǵy qyzmetkerden 4 mıllıon teńge kóleminde para alǵan.
"Sportshylarǵa arnalǵan sport zaldaryn tegin alý múmkindigi bola tura, olardy jalǵa alý týraly enshiles tulǵalarmen memlekettik satyp alý sharttary jasalyp, oqý-jattyǵý jıyndaryna bólingen bıýdjet qarajaty jymqyrylǵan.
Sonymen qatar, basshymen birge bıýdjet qarajatyn urlaýǵa kómekteskeni úshin dırekııa qyzmetkeri de sottaldy. Memlekettik aıyptaýshy sotqa barlyq dáleldemelerdi usyna otyryp, sottalýshylardyń kinásizdigi týraly ýájderin joqqa shyǵardy", - delingen prokýratýra taratqan habarlamada.
Olımpıada túrleri boıynsha sportty damytý dırekııasynyń basshysy 5 jylǵa, onyń qaramaǵyndaǵylar 4 jylǵa bas bostandyǵynan aıyrý jazasyna sottaldy.
