Olimpiada türlerı boiynşa sportty damytu direksiiasynyŋ basşysy men qyzmetkerı biudjet qarajatyn jymqyrǧandary üşın sottaldy, dep habarlaidy "Adyrna" ūlttyq portaly Astana qalasynyŋ prokuraturasyna sıltep.
Prokuraturanyŋ mälımetınşe, direksiia basşysy 60 million teŋgeden astam biudjet qarajatyn ūrlaǧan. Odan bölek, qaramaǧyndaǧy qyzmetkerden 4 million teŋge kölemınde para alǧan.
"Sportşylarǧa arnalǧan sport zaldaryn tegın alu mümkındıgı bola tūra, olardy jalǧa alu turaly enşıles tūlǧalarmen memlekettık satyp alu şarttary jasalyp, oqu-jattyǧu jiyndaryna bölıngen biudjet qarajaty jymqyrylǧan. Sonymen qatar, basşymen bırge biudjet qarajatyn ūrlauǧa kömekteskenı üşın direksiia qyzmetkerı de sottaldy. Memlekettık aiyptauşy sotqa barlyq däleldemelerdı ūsyna otyryp, sottaluşylardyŋ kınäsızdıgı turaly uäjderın joqqa şyǧardy", - delıngen prokuratura taratqan habarlamada.Olimpiada türlerı boiynşa sportty damytu direksiiasynyŋ basşysy 5 jylǧa, onyŋ qaramaǧyndaǧylar 4 jylǧa bas bostandyǧynan aiyru jazasyna sottaldy.
Ūqsas jaŋalyqtar
