Astananyŋ qylmystyq ıster jönındegı audanaralyq soty medisina qyzmetkerıne qatysty küş qoldanu faktısı boiynşa ükım şyǧardy, dep habarlaidy «Adyrna» tılşısı.
Oqiǧa 13 nauryzda bolǧan. Er adam mas küiınde sauda üiınıŋ avtotūraq aumaǧynda jedel järdem brigadasynyŋ körsetken medisinalyq kömegıne köŋılı tolmai, medisina qyzmetkerıne küş qoldanǧan.
«Öz äreketımen ol feldşerge densaulyqqa ziian keltırmegenımen, fizikalyq auyrsynu tuǧyzǧan. Sondai-aq medisina qyzmetkerınıŋ qauıpsız jūmys ısteuge zaŋmen kepıldık berılgen qūqyǧy men jeke basyna qol sūǧylmauşylyq qaǧidasyn öreskel būzǧan»,-delıngen ıs materialdarynda.
Prokuror aiyptaluşyǧa QR QK 380-3-baby 3-bölıgı boiynşa 1 jyl 6 ai bas bostandyǧynan aiyru jazasyn taǧaiyndaudy sūrady. Aiyptaluşy kınäsın moiyndap, özın bas bostandyǧynan aiyrmaudy ötındı. Jäbırlenuşı qataŋ jaza taǧaiyndaudy sūrady.
Aiyptaluşy būryn sottalmaǧan. Alaida ol bırneşe ret tynyştyqty būzǧany jäne qoǧamdyq orynda alkogoldık ışımdık ışkenı üşın äkımşılık jauapkerşılıkke tartylǧan.
Is boiynşa jedeldetılgen sotqa deiıngı tergeu jürgızıldı. QR QK 55-baby 3-bölıgıne säikes sot eŋ joǧary jaza merzımınıŋ jartysynan artyq jaza taǧaiyndai almady.
Jasalǧan qylmystyŋ sipaty men qoǧamdyq qauıptılık därejesın, aiyptaluşynyŋ jeke basyn, jäbırlenuşınıŋ pıkırın jäne anyqtalǧan män-jailardyŋ jiyntyǧyn eskere otyryp, sot aiyptaluşyny qylmystyq-atqaru jüiesınıŋ eŋ tömengı qauıpsızdık mekemesınde öteumen 1 jyl 6 ai bas bostandyǧynan aiyru jazasyna kestı.
