“Qazaqfılm” anımatorlaryna qalǵan 84 mıllıon teńge nege tólengen joq? Bul týraly Ulttyq kınony qoldaý ortalyǵynyń basqarma tóraǵasy Qurmanbek Jumaǵalı aıtyp berdi, dep habarlaıdy “Adyrna” ulttyq portaly.
Tóraǵanyń Facebook paraqshasyna jazǵan jazbasy boıynsha, “Qazaqfılm” anımatorlary“Altyn adam” anımaııalyq fılmin tolyq aıaqtamaǵan.
“Qazaqfılm” anımatorlary“Altyn adam” anımaııalyq fılmine qatysty másele kótergenin bilesizder. Bul jaǵdaıdyń shıelenisýiniń naqty sebebin bilýlerińiz tıis dep esepteımin. Joba Ulttyq kıno ortalyǵyna 2020 jyly usynylyp, bastalǵan. Jalpy quny 378 mln teńgeni quraıdy. Kelisimshart boıynsha kınojoba 2021 jyly aıaqtalýy tıis bolatyn. Biraq oryndaýshy jumysty tolyq aıaqtamaı, fılmdi ótkizbedi.
2022 jyly “Qazaqfılm” jobany qaıta tapsyra almady. 2023 jylǵa sozylǵan jobada sońǵy túzetýler qamtylmaǵan bolyp shyqty. Ortalyq ujymnyń 3 jyl boıy jobany aıaqtaı almaı kele jatqan sebepterine túsinistikpen qarap, tıisti atqarǵan jumystaryna qarajat tólenip keldi. Oryndaýshyǵa atqarǵan jumysy úshin 294 mln teńge tólendi”, dep jazdy ol.
Sondaı-aq, ol anımatorlarǵa tólený kerek qalǵan 84 mln qarjy qaıda ketkenin aıtty.
“Al qalǵan 84 mln nege tólengen joq? Sebebi, 2023 jyldyń sońynda joba tolyq aıaqtalýy kerek edi. Alaıda ujym jyl sońynda taǵy shıki jobany tapsyrdy. Saraptama keńesi jobaǵa qatysty 126 eskertý engizgen. Biraq bul túıtkildi tustar joǵaryda aıtqanymdaı, ýaqytyly túzetilmegen bolyp shyqty. Másele jyldarǵa sozyldy, sondyqtan Ulttyq kınony qoldaý ortalyǵy men «Qazaqfılm» arasyndaǵy is sotqa jetti. Al aıaqtalmaǵan jobaǵa memleket qarjy bóle almaıdy. Osyǵan baılanysty qalǵan 84 mln teńge karjy bıýdjet qazynasyna qaıtaryldy.
Taǵy bir eskeretin dúnıe, osydan bir aı buryn "Qazaqfılm" tizginindegi áriptesim Azamat Satybaldymen birge sot sheshimin oryndaý jónindegi medıatıvti kelisimge keldik. "Qazaqfılm" jáne jobaǵa jaýapty ujym jobany ózara kelisim arqyly aıaqtap, "Altyn adam" anımaııalyq fılmin prokatqa shyǵarady. Odan túsken taza tabystyń 20%-y kıno ortalyǵyna aýdarylsa, qalǵan 80%-y "Qazaqfılmniń" úlesinde qalady. Osylaısha "Qazaqfılm" atalǵan jobanyń túsirilim toby aldyndaǵy bereshegin óteıtin bolady”, dep jazdy Qurmanbek Jumaǵalı.
Qurmanbek Jumaǵalıdyń aıtýynsha, másele zań aıasynda sheshilmek.
“Ulttyq kınony qoldaý ortalyǵynyń taıqazany siz ben bizdiń qarjymyzdan quralǵan. Sondyqtan ár tıynnyń suraýy baryn eskerýimiz qajet. Máseleniń zań turǵysynan sheshilip jatqany da sodan.
Biz tek bári zań aıasynda sheshilse deımiz. Áıtpese, "Qazaqfılm" basshysy Azamat Satybaldymen arazdyǵymyz joq. “Óser eldiń balasy birin biri batyr der” demekshi, Azamat ekeýmiz de otandyq kınonyń damýyna múddelimiz jáne bir-birimizdi qoldaýǵa daıynbyz.
Bizdiń baıqaýymyzsha, eldiń kıno salasyn keri tartyp, damyǵanyn qalamaıtyn belgisiz toptar bar sekildi. Árıne, olardyń negizsiz pikirine kópshiliktiń ılanbaǵany abzal. “Ótiriktiń quıryǵy bir-aq tutam”degendeı, salanyń tek kemshiligin sanamalaýǵa beıim adamdardyń astyrtyn nıeti túbi áshkere bolatyny sózsiz. Mundaı qolaısyz jaǵdaıdy týdyratyn jaǵymsyz pikirlerge qaramastan, biz damýǵa bet túzegen baǵytymyzdan jańylmaı, jumystarymyzdy úzdiksiz jalǵastyra beremiz. Bir sózben aıtqanda, eldiń kıno salasyn ilgeri bastyrýǵa bar kúshimizdi salamyz”, dedi Ulttyq kınony qoldaý ortalyǵynyń basqarma tóraǵasy.
