Ūlttyq ekonomika bırınşı vise-ministrı Timur Jaqsylyqov biudjettı qarjylandyru turaly aitty. Ol elımızdegı tabiǧi resurstardy böludıŋ ädıldıgı turaly tüsınık berdı, dep habarlaidy “Adyrna” ūlttyq portaly QazAqparatqa sılteme jasap.
«Kez kelgen ekonomikada qoǧamdyq äl-auqatty qaita bölu mehanizmı şamamen ūqsas keledı, ol salyq jüiesı arqyly jüzege asady. Memleket salyq arqyly tabystyŋ bır bölıgın keibır salalardan köbırek, keibır salalardan azdau alyp, basqa salalarǧa böledı. Būl mehanizm elımızde öte jaqsy jūmys ıstep tūr. Sonymen qatar Qazaqstan ekonomikasynyŋ basqa elderden aiyrmaşylyǧyna toqtalsaq, bızde tau-ken önerkäsıbınen jäne mūnaidan tüsetın kırıster jinalatyn Ūlttyq qorymyz bar», - dedı Timur Jaqsylyqov Senatta tılşıler sūraǧyna jauap bere otyryp.
Būl tūrǧyda ol «Ūlttyq qor – balalarǧa» baǧdarlamasyna toqtala kettı.
«Biyldan bastap bız ken oryndaryn paidalanudan memleket alatyn tabysqa halyqtyŋ, iaǧni balalardyŋ qatysu tetıgın engızdık. Balalarǧa arnalǧan ūlttyq baǧdarlama ol öz jūmysyn bastady, qazır tek alǧaşqy qadam jüzege asyrylyp jatyr. Sonymen qatar bız Ūlttyq qorsyz biudjettı qarjylandyra almaimyz. Sondyqtan kırıstıŋ bır bölıgın biudjetke transfert türınde alyp otyramyz, sodan keiın biudjettık tetıkter arqyly ekonomikaǧa bölemız. Jalpy, bızde būl tetıkterdıŋ barlyǧy jūmys ıstep tūr. Şynynda da Qazaqstannyŋ tabiǧi jer qoinauy ekonomikany qoldauǧa baǧyttalǧan», - dedı vise-ministr.
Ūqsas jaŋalyqtar
