"Ш.Айманов атындағы "Қазақфильм" киностудиясының" директоры Азамат Сатыбалды қызметкердің жалақы туралы шығарған дауына қатысты жауап берді, деп хабарлайды "Адырна" ұлттық порталы.
16 шілде күні "Қазақфильм" аумағында қазақ анимациясының қызметкерлері жалақы мәселесіне қатысты шеру ұйымдастырған болатын. Олардың сөзінше, "Алтын адам" толықметрлі жобасының қызметкерлері 1 жылдан бері өздеріне тиесілі жалақыны ала алмаған.
Ал директор қызметіндегі Азамат Сатыбалды шеруге жиналған жұрттың алдында еш түсіндірме жасамаған еді. Ол жағдайға қатысты желідегі парақшасында жазба жариялады.
"Жалған ақпаратқа жүйелі жауап. Дұрыс түсінік болу үшін, қысқаша қайырайын. Үлкен мақала дүйсенбі күні шығады.
1. "Қазақфильм" мен "Қазақанимация" қызметкерлері айлықтарын толық алып отыр.
2. Бұл - "Алтын адам" жобасының шығармашылық тобы.
Айлық емес, қаламақы. (Гонорар)
3. Жоба, 2019 жылы басталған. Бес жыл созылып бітпей келе жатыр.
Соңғы мерзім бойынша 2023-те біту керек екен.
4. 90% ақшасы төленген.
5. 10% пайызы қалған.
6. Бұл жоба, ұлттық киноны қолдау орталығының тапсырысы.
7. "Қазақфильм" - орындаушы орган. "Қазақфильм" де қаражатын ала алмай, зардап шегіп отыр.
8. Кино орталығы жобаны қабылдамады. Ол жерде эксперттік кеңес бар.
9. Содан кейін, сот процесі басталды.
10. Бұл - жүйелі шара. Бәрін заңдастыру үшін.
11. 20-шы маусым күні, ұлттық киноны қолдау орталығының бастығы Құрманбек мырзамен кездесу өтті. Сол жерде ортақ шешімге келді. Жобаның режиссері мен авторлары, қол алысып келісті.
12. "Қазақфильм" сол бағытта жұмысын бастап кетті.
Бұл жерде, жобаға қатысы жоқ мені және "Қазақфильмді" кінәләу дұрыс емес. "Қазақфильм" де жәбірленуші. Қалай болмасын, "Алтын адам" жобасы жарыққа шығады. Шығармашылық топ қаламақысын алады. Соған сәл уақыт және сабыр керек.
Осыны пайдаланып, пиғылы басқа және бұл жобаға дым қатысы жоқ, осыны ұйымдастырған белгілі бір топқа айтарым......... Абыройды беретін Жаратқан және алатын да Жаратқан. Әуре болмаңдар", - деп жазды ол.
