«Maiqaiyŋaltyn» AQ şahtasynan üşınşı qūtqaruşynyŋ denesı jarty jyldan keiın tabyldy, dep habarlaidy “Adyrna” ūlttyq portaly Pavlodar oblysy Tötenşe jaǧdailar departamentınıŋ baspasöz qyzmetıne sıltep.
19 şıldede "Maiqaiyŋaltyn" AQ küşımen jer qazu jūmystaryn jürgızu kezınde 70 metr tereŋdıkte bır qūtqaruşynyŋ denesı tabyldy, ol 4 qaŋtarda "KÄAQQ ROŞ" JŞS-nıŋ taǧy üş qūtqaruşysymen bırge avtobusta jūmys ıstemeitın şahtanyŋ tazartu keŋıstıgıne qūlaǧan.
Būdan būryn 2 qūtqaruşyny ızdeu jūmystary qaita jandanǧan. Skanerleu jäne avtobustyŋ naqty ornalasqan jerın anyqtau üşın skanerı bar "Altynalmas" AQ mamandary tartyldy. Skanerleu nätijelerı boiynşa avtobustyŋ 12 metr tereŋdıkte ornalasqandyǧy anyqtaldy.
Avariialyq-qūtqaru jūmystaryn jürgızu ornyna Pavlodar oblysy TJD qūtqaruşylary keldı, olar «KÄAQQ ROŞ» JŞS-men bırlesıp denenı jer betıne şyǧaryp, jedel-tergeu tobyna tapsyrdy.
"Maiqaiyŋaltyn" AQ bas direktory Qairolla Jürsınbaevtyŋ sözınşe, Aidos Şaimerdenovtyŋ denesı 19 şıldede saǧat 5.30 şamasynda tabylǧan. Qūtqaruşylar ızdeudı kün şyqqan kezde bastaǧan eken. Olar saǧat 13.30 şamasynda mäiıttı tolyqtai şyǧaryp alypty.
Sodan keiın polisiia kelıp, barlyq proseduralar bastaldy deidı. Ol törtınşı qaza bolǧan qūtqaruşynyŋ denesın jaqyn arada tabamyz dep ümıttenetının jetkızdı.
Qaitys bolǧan adamnyŋ tuystaryna psihologiialyq kömek körsetu üşın TJD psihology da keldı.
Esterıŋızge sala keteiık, oqiǧa bolǧan künı Pavlodar oblysy TJD qūtqaruşylary 2 denenı tauyp, jer betıne şyǧarǧan bolatyn. Odan keiın jūmystar toqtatylyp, juyrda qaitadan jandandy.
Ūqsas jaŋalyqtar
