TJ ministrı Pavlodar oblysynda «Maiqaiyŋaltyn» AQ-nyŋ altyn kenışındegı oiyqqa tüsıp ketken avtobusty şyǧaru jūmystary turaly aitty, dep habarlaidy "Adyrna" ūlttyq portaly.
«Äzırşe avtobusqa deiın 5 metr qaldy. Öte baiau tüsu qajet. Eŋ bastysy – qūtqaruşylar men oiyqty arşyp jatqan jūmysşylardyŋ qauıpsızdıgı. Būl oŋai şarua emes. Naqty merzımın, saǧatyn, ai-künın aitu qiyn. Öitkenı qūtqaru jūmystary qaita-qaita üzılıp qalyp jatyr – aumaqty skanerlep, qauıpsız ekenıne köz jetkızılıp tūru kerek. Avtobusty, bır qūtqaruşy men jürgızuşını mındettı türde alyp şyǧamyz. Jūmys jürıp jatyr, merzımın aitu qazır qiyn», - dedı ol Ükımet otyrysynan keiın ötken brifingıde.
Aita keteiık, Ministr qazaqstandyq qūtqaruşylardyŋ mūndai jaǧdaiǧa bırınşı ret tap kelıp tūrǧanyn atap öttı.
«Būl erekşe jaǧdai. Qazaqstan būryn-soŋdy bolmaǧan. Sondyqtan täjıribemız de joq. Qazır älemdegı täjıribelerdı zerttep jatyrmyz. Sız äueden köteru mäselesın aittyŋyz ǧoi. Onyŋ yqtimaldyǧy az. Būl jerde jer qyrtysyn arşyp, avtobusqa jetıp alu qajet. Al jer qyrtysyn arşu üşın ekskavator men basqa da tehnikalardy paidalanu kerek», - dedı Syrym Şärıphanov.
"Adyrna" ūlttyq portaly
Ūqsas jaŋalyqtar
