Izdestirý jumystary aıasynda Maıqaıyńdaǵy kraterden 150 myń tonnadan astam topyraq pen taý jynystary shyǵaryldy, dep habarlaıdy ”Adyrna” ulttyq portaly.
«13 qańtarda qutqarýshylar avtobýs ornalasqan jerge topyraq pen tastyń túsýin anyqtaý úshin opyrylǵan jerdiń túbine tústi. Topyraq kóshkini qaýpi saqtalýda. Jabdyqtardyń opyrylǵan jerdiń túbine ótýi úshin kolonna jolyn keńeıtý jumystary jalǵasýda. Aýyr tehnıka táýlik boıy jumys isteıdi. Jumys bastalǵaly barlyǵy 150 myń tonnadan astam topyraq pen taý jynystary shyǵaryldy», - dep habarlady senbi kúni Pavlodar oblysynyń Tótenshe jaǵdaılar departamenti.
Esterińizge sala keteıik, 4 qańtarǵa qaraǵan túni «Maıqaıyńaltyn» AQ aýmaǵynda Maıqaıyń shahtasynyń shahtasyna jaqyn jerde tórt jolaýshy mingen avtobýs oıyqqa qulap ketken bolatyn.
Al seısenbi kúni TJ mınıstri Syrym Sháriphanov avtobýsqa deıin 5 metr qalǵanyn habarlaǵan bolatyn.
”Adyrna” ulttyq portaly
