Memleket basşysy Qasym-Jomart Toqaev ǧylym jäne joǧary bılım ministrı Saiasat Nūrbektı qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Saiasat Nūrbek joǧary bılım jäne ǧylym jüiesın damytuǧa baǧyttalǧan bırqatar bastama men jobalardy tanystyrdy.
Ministrdıŋ aituynşa, elımızde osy uaqytqa deiın şeteldık joǧary oqu oryndarynyŋ 25 filialy aşylǧan.
Nūrbek öz baiandamasynda şeteldık serıktestermen aimaqtardaǧy memlekettık universitetterdı halyqaralyq bılım beru standarttary bar zertteu universitetterıne ainaldyru turaly kelısımderge qol jetkızılgenın aitty.
Ol biyl studentterge qarjylai qoldau körsetudıŋ jaŋa tetıkterı engızıle bastaǧanyn jetkızdı.
Olardyŋ qatarynda "Keleşek" bıryŋǧai erıktı jinaqtau jüiesı, "Ūlttyq qor – balalarǧa" baǧdarlamasy, jeŋıldetılgen bılım beru nesiesı men differensiialanǧan granttar bar.
Atalǧan şaralar halyqtyŋ barlyq sanatyna joǧary bılımnıŋ qoljetımdı boluyn qamtamasyz etuge baǧyttalǧan.
Ministr jasandy intellektını damytu jönındegı prezident tapsyrmalarynyŋ oryndaluy turaly esep berdı.
Aituynşa, qazır 8 joǧary oqu ornynda 15 bılım beru baǧdarlamasy boiynşa 2000-nan astam student jasandy intellekt salasyn oqyp jatyr. Sifrlyq ekonomikaǧa beiımdelgen kadrlardyŋ äleuetın damytu üşın Google, Nvidia, Coursera, 01 Edu System jäne Huawei siiaqty transūlttyq kompaniialarmen yntymaqtastyq ornatylǧan.
Ministr jasandy intellekt salasynda mamandar daiarlau üşın "Bolaşaq" baǧdarlamasy arqyly jyl saiyn 100 stipendiia bölu josparlanyp otyrǧanyn aitty.
Kezdesu soŋynda memleket basşysy jataqhanalar salu, joǧary bılım men ǧylym infraqūrylymyn odan ärı damytu jönınde bırqatar tapsyrma berdı.
