Bıyl Astanada kezekti Shanhaı Yntymaqtastyq Uıymynyń (ShYU-ShOS) sammıti ótti. Uıym sonaý 90-shy jyldary quryldy.
Sammıt keńeıtilgen formatynda ótip, oǵan múshe eldermen qatar, baqylaýshy elder qatysty, Belarýs elin qabyldady, ol 10 múshe bolyp resmı qabyldandy. Sondaı-aq Birikken Ulttar Uıymynyń bas hatshysy Antonıý Gýtterısh Astanaǵa keldi. Nátıjesinde 25 qujatqa qol qoıyldy. Bul taqyrypty saıasattanýshy, sarapshylar - Qazbek Maıgeldınov jáne Perdehan Shamshıev “Adyrna” ulttyq portalynyń YouTube arnasynda talqylady.
Suhbat barysynda saıasattanýshylar Qazybek Maıgeldınov pen Perdehan Shámshıev Astanada ótken Shanhaı yntymaqtastyǵy uıymy (ShYU) sammıtin taldaı otyryp, elder arasyndaǵy yqpaldastyq jáne yntymaqtastyq jaıynda talqylaıdy.
Derjavalar arasyndaǵy baılanys, aımaqtyq uıymdardaǵy saıası erekshelik, oǵan múshe uıymdardyń ulttyq biregeıligi – sóz osy jaıynda. ShYU-nyń sońǵy jıyny jáne osy uıymǵa múshe Qytaı jáne Reseımen qatynastyń ereksheligi, Túrki odaǵy ıdeıasy, Ortalyq Azııa elderiniń ózara qatynasy qandaı bolýy kerek, qalaı bolyp jatyr, onyń sebebi ne degen suraqtarǵa osy suhbatta jaýap berilgen. Sarapshylardyń biri odaqtasý úshin demokratııalandyrýdy aıaqtaý keregin aıtsa, endi biri batyspen baılanysqa barynsha abaı bolý keregin aıtady.
