Qazaqstandaǵy tuńǵysh kásibı dırıjer áıel Raısa Sadyqova búgin 80 jylǵa tolar edi, dep habarlaıdy "Adyrna" ulttyq portaly.
Raısa Sadyqova 1944 jyly Almaty oblysynda týǵan.
Birtýar tulǵa kózi tirisinde Qazaq ulttyq aspaptyq orkestriniń ártisi bolyp jumys istedi. Ol birneshe jyl boıy Abaı atyndaǵy Qazaq memlekettik akademııalyq opera jáne balet teatrynyń dırıjeri bolǵan.
Qazaqtan shyqqan tuńǵysh dırıjer áıeldiń repertýarynda sımfonııalyq mýzykanyń jaýharlary, opera jáne balet spektaklderi, qazaq klassıkasynyń injý-marjandary boldy. Óner ıesi tek sımfonııalyq orkestrge dırıjerlyq etip qana qoımady. Sondaı-aq, ol «Otyrar Sazy» folklorlyq-etnografııalyq orkestrine jáne Qurmanǵazy atyndaǵy Qazaq halyq aspaptar orkestrine de dırıjerlik etti. Odan bólek, kóptegen jyldar boıy Almatydaǵy Qurmanǵazy atyndaǵy konservatorııada pedagogıkalyq qyzmet atqardy.
Raısa Sadyqova sımfonııalyq orkestrdiń alǵashqy kásibı áıel dırıjeri retinde tarıhta qaldy. Dırıjerge eren eńbegi úshin «Qazaqstan Respýblıkasynyń Eńbek sińirgen qaıratkeri» ataǵy berildi.
Erekshe talant ıesi 2020 jyly 76 jasynda ómirden ótti.
