Türkıstan oblystyq mäslihatynyŋ kezekten tys HI sessiiasy ötıp, 31 azamatqa "Türkıstan qalasynyŋ qūrmettı azamaty" ataǧy berıldı, dep habarlaidy "Adyrna" ūlttyq portaly.
Mäslihat töraǧasy, oblys äkımınıŋ orynbasarlary, deputattar jäne basqarma basşylary, audan äkımderı qatysqan jiynda oŋtüstıktıŋ damuyna üles qosqan memlekettık qyzmet, densaulyq saqtau, qoǧamdyq qyzmet jäne auyl şaruaşylyǧy jüiesınde eŋbek etken 31 azamat qūrmetke laiyq dep tanyldy.
Ol qatarda Türkıstan oblysy qūrylǧanda äkım bolǧan, qoǧam qairatkerı Ömırzaq Şökeev te bar.
Ömırzaq Şökeev 1964 jyly Türkıstan qalasynda tuǧan. Türkıstan oblysyn ekı ret basqarǧan, memlekettık qyzmettıŋ bırqatar salasyna basşylyq etken.
Ömırzaq Estaiūly oblysty basqarǧan şaqta Arysta apat bolyp, Maqtaaraldy su basty. Ony jergılıktı jūrtşylyq «krizistık kezeŋnen» şyǧa alǧan äkım retınde baǧalaidy.
Şökeevke "Qūrmettı azamat" ataǧy 2018 jyly jeke oblys retınde qūrylǧan Türkıstannyŋ qalyptasuy men damuy jolynda özındık qoltaŋbasyn qaldyrǧany üşın berılgenı habarlandy.
Abai Asyl Adyrna ūlttyq portaly
Ūqsas jaŋalyqtar
