Jelıde äiel adamnyŋ balalarymen dalada qalǧany turaly aqparat tarady, dep habarlaidy “Adyrna” ūlttyq portaly.
Būl aqparatty qūqyq qorǧauşy, "Qorǧau-Astana" äielder men balalardy qoldau ortalyǧynyŋ basşysy Anna Ryl bölısken.
“Taŋerteŋ maǧan dauysy qarlyqqan er adam telefon soǧyp, būl üisızderge arnalǧan ortalyq pa dep sūrady. Alǧaşynda ol özıne oryn ızdep jür eken dep oiladym. Sosyn, būl zorlyq-zombylyq qūrbany bolǧan äielder men balalarǧa arnalǧan ortalyq dedım. Ol: “iä, maǧan däl osy ortalyq qajet” dedı. Ol tünde balalarymen köşede otyrǧan äieldı kezdestırgenın aitty. Er adamnyŋ özı otbasymen 1 bölmelı päterdı jaldap tūrady eken. Olarǧa jany aşyp, meşıtke jetkızıptı. Ol jer jabyq bolǧan soŋ, bızdıŋ ortalyqqa habarlasudy şeşıptı”, – deidı äiel.Anna Ryl äieldıŋ qandai jaǧdaiǧa tap bolǧanyn aitty.
“Äiel jesır qalǧan. Türkıstan oblysynan kelgen, järdemaqy alady. Päterge töleitın aqşasy bolmaǧan soŋ, şyǧaryp jıbergen eken. Ärine, būl bızdıŋ sanatymyzǧa kırmeidı. Degenmen bız olardy bır apta boiy panalattyq. Äiel järdemaqy ala salysymen bölmenı jalǧa alatyn bolady. Būl – qiyn ömırlık jaǧdai. Degenmen būl sanatta jūmys ısteitın ortalyqtar joqtyŋ qasy”, – dedı Anna Ryl.
Ūqsas jaŋalyqtar
