27 jastaǧy qyzdy öz kabinetınde zorlady dep aiyptalǧan Taldyqorǧan polisiiasynyŋ būrynǧy basşysy Marat Küştıbaev ükımge şaǧym tüsırdı, - dep habarlaidy “Adyrna” ūlttyq portaly.
Jetısu oblystyq sotynyŋ baspasöz qyzmetınıŋ habarlauynşa, sottalǧan azamattyŋ ükımge qarsy aryzy bügın, 17 şıldede kelıp tüsken. Istıŋ apelliasiialyq sotta qaşan qaralatyny aitylmaidy.
Eske salaiyq, 2023 jyldyŋ qaraşasynda Taldyqorǧan polisiiasynyŋ bastyǧy Marat Küştıbaev 27 jastaǧy äieldı zorlady degen küdıkpen ūstalǧan bolatyn. Keiın jäbırlenuşınıŋ advokaty oqiǧanyŋ män-jaiyn aityp berdı. Onyŋ aituynşa, 2023 jyldyŋ 12 qaraşasynda taldyqorǧandyq äiel qoǧamdyq tärtıptı būzdy degen aiyppen ışkı ıster bölımıne jetkızılıp, keiın ol bastyqtyŋ kabinetınde zorlanǧan.
Osy jyldyŋ säuır aiynyŋ soŋynda sot ükımı boiynşa Küştıbaev kınälı dep tanylyp, Qylmystyq kodekstıŋ 120-baby 2-bölıgınıŋ 5-tarmaǧy boiynşa 11 jylǧa bas bostandyǧynan aiyryldy. Ol sondai-aq marapattarynan jäne «polisiia polkovnigı» arnaiy ataǧynan aiyryldy.
Ūqsas jaŋalyqtar
