Su tasqynynan keiın 37 myŋǧa juyq adam üiıne oraldy, dep habarlaidy "Adyrna" tılşısı.
Būl turaly QR TJM ökılı Asqar Şärıp brifingte mälımdedı.
Azamattyq qorǧau qyzmetterımen Atyrau, Aqtöbe, Batys Qazaqstan jäne Soltüstık Qazaqstan oblystarynda su tasqynyna qarsy ıs-şaralar, su tasqyny saldaryn joiu jäne halyqqa kömek körsetu boiynşa jūmystar jalǧasyp jatyr. Qazır Batys Qazaqstan oblysynda jaǧdai tūraqtalǧany aityldy.
«Atyrau oblysyndaǧy jaǧdaiǧa monitoring jalǧasyp jatyr. Su deŋgeiıne monitoring jürgızılude. Su tasqynynan qorǧau maqsatynda Atyrau qalasynda bögetterdı nyǧaitu jūmystary üzdıksız jürgızılıp jatyr. Bügıngı taŋda ūzyndyǧy 498 şaqyrymdy qūraityn bögetterdı nyǧaitu jūmystary jürgızılıp jatyr», - dedı spiker Asqar Şärıp.Soltüstık Qazaqstan, Atyrau jäne Aqtöbe oblystarynda 6148 tūrǧyn üi men 2 794 aula aumaǧynan sudyŋ baǧyty būrylyp, su sorylǧan. Apat bastalǧaly berı 119 220 adam, onyŋ ışınde 44 776 bala qūtqarylyp, qauıpsız jerge evaakuasiialandy. Bügınde respublika boiynşa 36 745 adam öz üiıne oraldy. Älı 6 909 adam evakuasiialau punktterınde ekenı habarlandy.
Ūqsas jaŋalyqtar
