Almaty oblysy Jambyl audanynyŋ Berıktas auylynda tolassyz jauǧan jaŋbyrdan keiın sel jürdı. Būl turaly 15 şıldede Tötenşe jaǧdailar ministrlıgı aitty, dep habarlaidy «Adyrna» tılşısı.
TJM mälımetınşe, 15 aula aumaǧy men 3 tūrǧyn üidı su basqan.
«İnerttı material salynǧan 2 myŋ qapşyq daiyndaldy. Sonymen qatar su basqan aumaqtardan sudy soru jäne laidan tazartu, aryq jüielerın tereŋdetu jūmystary jürgızılude, jaǧdaiǧa monitoring jalǧasuda»,—delıngen habarlamada.
Aita keteiık, jūmystarǧa TJD, jergılıktı atqaruşy organdardyŋ, TJM 28237 äskeri bölımınıŋ jeke qūramynan 100-den astam adam, 11 motopompa men 16 bırlık tehnika jūmyldyrylǧan.
Būǧan deiın Qyrǧyzstanda sel jürgenın jazǧan edık. Soŋǧy mälımetter boiynşa, toǧyz adam qaza tapty, onyŋ törteuı – qazaqstandyq bala.
