Bular Jəkishevti ne úshin qamady? Bulardyń Jəkishevteı daryny, oı órisi, ıntellektýaldyq deńgeıi, órkenıetti sanasy, əlemdi moıyndata alǵan ǵylymı, ónertabystaǵy adýyndy qabileti bolǵanynan óle ólgenshe qoryqty. Eldi sońynan jetektep ketetinin ólgenshe qyzǵandy. Bulardyń tabıǵatynda Jəkishevtegideı tazalyq pen tektilik, minez ben qabilet, órkenıetti sana bolmaǵannan soń, onyń ultyna adal bolmysynan seskendi. Bularda kerisinshe, mysyq tileý men shoshqa peıil ǵana boldy. Sondyqtan olar tazalyq degenge jaratylysynan qarsy týǵan pendeshikter. Olardyń bolmysynda tek qana asqazanyma tyǵa bersem degen shoshqanyńkideı sasyq rýh mekendep jatty. Sol úshin ózderiniń aram jolyn kesetin ədiletti azamatty qan qustyrdy. Jəkishevteı uly bar ulttyń ósip ketetinine olar múddeli bolmady. Qazaqty óspesin, baılyǵyna ıe bolyp qalmasyn dedi. Rasynda qazaq baılyǵyna ıe bola almady. Bərin jymqyrdy. Jəkishevti saıası saýaty ashylmaǵan buqaraǵa 99 mıllıondy jymqyrdy dep sendirdi. Kózi jetpegen qazaq jemqordyń kózin qurtty, buǵan da shúkir dep qudaıdaı sendi. Jəkishevti sondyqtan qazaq bosata almady. Asyldaı ulyna qorǵan bola almaǵan qazaq kinəli. Qazaqtyń ózi kinəli. Bular tipti Jəkishevtiń túrmede otyryp aıtqanynan da shoshyp, úreılenip otyr. Rýhy synbaıtyny, ədiletti talap etýden qaıtpaıtyny bulardy qatty oılandyryp otyr. Bəribir shyndyq moıyndaryn kesip túsetinin bilip otyr.
Túrmede qor bolǵan qaıran ómir...
Qazaqtyń naǵyz tehnokrat, ǵylym men joǵary ıntellektiniń ıesi, órkenıetke tótesinen jol salatyn ulyn qorǵaı almaı otyrǵany ókinishti...
Bekbolat QARJAN
