Jambyl oblysynyŋ Sarysu audanynda qatty jauyn-şaşyn saldarynan su basuyna bailanysty materialdyq şyǧyndy zerdeleu boiynşa jūmystar jürgızılıp jatyr. Būl turaly Jambyl oblysy äkımdıgınıŋ baspasöz qyzmetınen mälım ettı, dep habarlaidy “Adyrna” ūlttyq portaly.
Aita ketsek, 7 şılde künı Sarysu audany aumaǧynda qatty jauyn-şaşyn saldarynan kölbeu aǧyn qalyptasyp, bırqatar köşedegı 400-den astam üidıŋ aulasy, 47 üidıŋ ışı men 1 mekteptıŋ jertölesın su aldy.
Sarysu audanynda tötenşe jaǧdai saldarynan bolǧan män-jailarǧa bailanysty materialdyq şyǧyndy zerdeleu boiynşa jūmysşy top qūryldy.
«Qazır tötenşe jaǧdailar departamentınıŋ qyzmetkerlerı su soru jūmystaryn jalǧastyruda. Saǧat 18:30-daǧy jaǧdai boiynşa 18 600 m3 su soryldy. Jalpy 128 aula men 47 üidıŋ ışı sudan tazartyldy. Jaŋatas qalasyndaǧy ekı eldı meken (Maloetajka, Degeres) jaryqqa qosyldy. Tek D. Qonaev orta mektebınde sudan tazartu jūmystarynyŋ jürgızıluıne bailanysty jaryq älı berılmedı. Tötenşe jaǧdai saldarynan bolǧan materialdyq şyǧyndy zerdeleu boiynşa jūmysşy top qūrylyp, jūmys jürgızıp jatyr», - dep habarlady oblys äkımdıgınen.
Bügın, 8 şılde, taŋerteŋ ūşqyzsyz ūşu apparatynyŋ kömegımen su deŋgeiınıŋ edäuır tömendegenı anyqtaldy. Adam, mal şyǧyny joq.
Zardap şekken tūrǧyndar üşın 105 oryndyq ekı qabyldau punktı daiyndyqqa keltırılıp, oǧan 12 adam ornalystyryldy. Qazır olar öz erıkterımen üilerıne qaitaryldy.
«Jaŋatas–Saudakent» tas joly aşyq.
Tötenşe jaǧdaidy joiuǧa azamattyq qorǧau qyzmetterınen 282 adam, 64 tehnika, 35 motopompa jäne 1 ūşqyzsyz ūşu apparaty jūmyldyrylǧan.
Aita keteiık, Jambyl oblysynyŋ äkımı Erbol Qaraşökeev keşe tünde Sarysu audany Jaŋatas qalasyna baryp, su alǧan aulalardy aralap körıp, ahualmen tanysty.
Audandaǧy ahual aimaq basşysynyŋ baqylauynda.
Ūqsas jaŋalyqtar
