Bır täulıkte 200 myŋ konservılengen qalbyr öndıretın öndırıs orny jabyludyŋ az aldynda tūr. Eger zauyt zaŋgerlerı men şaǧymdanuşylardyŋ talaby qanaǧattandyrylmasa, «Kublei» konservı zauyty jabylady. Käsıporyn ǧana emes, osy zauytqa et ötkızıp otyrǧan 2500-dei şarua qojalyǧy da tabyssyz qaluy mümkın, dep habarlaidy "Adyrna" ūlttyq portaly. Būl turaly zaŋger Baqytjan Bazarbek mälımdedı.
Oraldaǧy «Kublei» zauyty men äkımdık arasyndaǧy dau ekı jyl būryn bastalǧan. Äkımşılık konservı zauytynyŋ janynan tūrǧyn üi keşenın saluǧa, qūrylys jürgızuge rūqsat bergen. Qūqyq qorǧauşy «Kublei» käsıporny men Oral qalasy äkımdıgınıŋ arasyndaǧy sot prosesınen coŋ öz ömırıne de qauıp tönıp tūrǧanyn aitty. Almaty maŋyndaǧy oligarhtarǧa ötıp ketken jer telımderın memleketke, halyqqa qaitaruǧa qatysty ısterdıŋ basynda jürgen zaŋger Baqytjan Bazarbek:
«Oraldaǧy äkımdık, jer qatynastary, säulet qūrylys basqarmasynyŋ üstınen şaǧymdanudaǧy maqsatymyz – tek zauyttyŋ saniatarlyq aumaǧyn saqtap qalu ǧana emes, atalǧan mekemelerdıŋ jer telımınıŋ nysanaly maqsatyn auystyruyna qatysty äreketterınıŋ tekserıluın de talap etemız. Barlyq däleldemelderdı, 8 tom aiǧaq ūsyndyq. Qarsy tarap bırde bır ret bız talap etken qūjattardy ūsynǧan joq», - dedı.Sonymen qatar, zaŋger alpauyt zauytty saqtap qalu nemese qoldan joiuǧa qatysty pıkırın bıldırdı:
«Eger bızdıŋ talyp-aryzymyz qanaǧattandyrylmasa, bekıtılgen PDP zaŋdy dep esepteledı. Qazır qūrylys uaqytşa toqtap tūr. Al, älgı qūjat zaŋdastyrylsa, dauly qūrylysqa rūqsat berılıp, tūrǧyn üi aumaǧy ülkeiıp, säikesınşe, sanitarlyq qorǧau aimaǧy azaiady. Kemınde 100 metrlık sanitarlyq aimaq bolmaidy. Būl turaly bızge sanepidemiialogiialyq organdar eskertıp te qoiǧan, «zauyt talaby qanaǧattanlyrylmasa, rūqsatymyzdy qaitaryp alamyz».Zauyt qoldan joiylsa, 600 adam dalada qalyp, 2500 şarua qojalyqtary et önımderın ötkızetın jer tappai sendeluı mümkın.
Qazaqstandaǧy №1-şı öndırıs orny şeneunıkterdıŋ zaŋsyz ärekettı, şeşımderınıŋ saldarynan jabylyp qaludyŋ az aldynda tūr, - deidı zauyt qyzmetkerlerı.Aita ketu kerek, qazır jer telımıne qatysty dauǧa zauyt janynan salynǧan üidıŋ tūrǧyndary da qatysyp jatyr. Olarǧa sudia "sotqa qatysuşy üşınşı tarap" dep anyqtama bergen. Olar: "Kubleide" şaruamyz joq, bızdıŋ üiımızge kıruımızge kedergı keltırmese boldy", - dep pıkır bıldırude.
- Prezidentımız «şaǧyn-jäne orta bizneske qoldau körseteiık, zauyttar aşaiyq» - dep ündeu jariialaidy, al bızdıŋ jergılıktı oryndardy otyrǧan äkımdık qyzmetkerlerı bar käsıptı tūnşyqtyrǧysy keledı. Būl kısılerdıŋ qazır Kubleide şaruasy joq. Üilerge tūrǧyndar köşırılgennen keiın zauyttan şyqqan auaǧa tūnşyǧyp jatyrmyz» demesıne kım kepıl? Zauyt emes ol kısılerdıŋ qasyna köşıp barǧan? Ol kısılerdıŋ mäselesın zauyttyŋ qasyndaǧy sanitarlyq aumaqtyŋ nysanaly maqsatyn özgertıp, alpauyttarǧa satyp jıbergen şeneunıkter jauap bersın!» - deidı zaŋger.Sonymen qatar, Baqytjan Bazarbek, öz ömırıne qauıp tönıp tūrǧanyn, oǧan osy sot prosesınıŋ qatysy baryn da aitty.
«Bır adam menıŋ ömırıme qauıp tönetını» turaly eskerttı. «Sen Almatyda nemese Astanada bır jamandyqqa ūşyrap qaluyŋ mümkın» dedı sottan soŋ. Menı atuy nemese ulauy mümkın. Tıptı, pyşaqtap ketuı de mümkın. Maǧan qandai qauıp keletını turaly sūraǧanymda älgı adam: «men tek eskerttım» dedı. Ömırıme qauıp tönıp otyr. Būnyŋ basty sebebı osy Oral qalasynda bolyp jatqan sot», - dedı Baqytjan Bazarbek.
"Adyrna" ūlttyq portaly
Ūqsas jaŋalyqtar
