Bir táýlikte 200 myń konservilengen qalbyr óndiretin óndiris orny jabylýdyń az aldynda tur. Eger zaýyt zańgerleri men shaǵymdanýshylardyń talaby qanaǵattandyrylmasa, «Kýbleı» konservi zaýyty jabylady. Kásiporyn ǵana emes, osy zaýytqa et ótkizip otyrǵan 2500-deı sharýa qojalyǵy da tabyssyz qalýy múmkin, dep habarlaıdy "Adyrna" ulttyq portaly. Bul týraly zańger Baqytjan Bazarbek málimdedi.
Oraldaǵy «Kýbleı» zaýyty men ákimdik arasyndaǵy daý eki jyl buryn bastalǵan. Ákimshilik konservi zaýytynyń janynan turǵyn úı keshenin salýǵa, qurylys júrgizýge ruqsat bergen. Quqyq qorǵaýshy «Kýbleı» kásiporny men Oral qalasy ákimdiginiń arasyndaǵy sot proesinen coń óz ómirine de qaýip tónip turǵanyn aıtty. Almaty mańyndaǵy olıgarhtarǵa ótip ketken jer telimderin memleketke, halyqqa qaıtarýǵa qatysty isterdiń basynda júrgen zańger Baqytjan Bazarbek:
«Oraldaǵy ákimdik, jer qatynastary, sáýlet qurylys basqarmasynyń ústinen shaǵymdanýdaǵy maqsatymyz – tek zaýyttyń sanıatarlyq aýmaǵyn saqtap qalý ǵana emes, atalǵan mekemelerdiń jer teliminiń nysanaly maqsatyn aýystyrýyna qatysty áreketteriniń tekserilýin de talap etemiz. Barlyq dáleldemelderdi, 8 tom aıǵaq usyndyq. Qarsy tarap birde bir ret biz talap etken qujattardy usynǵan joq», - dedi.
Sonymen qatar, zańger alpaýyt zaýytty saqtap qalý nemese qoldan joıýǵa qatysty pikirin bildirdi:
«Eger bizdiń talyp-aryzymyz qanaǵattandyrylmasa, bekitilgen PDP zańdy dep esepteledi. Qazir qurylys ýaqytsha toqtap tur. Al, álgi qujat zańdastyrylsa, daýly qurylysqa ruqsat berilip, turǵyn úı aýmaǵy úlkeıip, sáıkesinshe, sanıtarlyq qorǵaý aımaǵy azaıady. Keminde 100 metrlik sanıtarlyq aımaq bolmaıdy. Bul týraly bizge sanepıdemııalogııalyq organdar eskertip te qoıǵan, «zaýyt talaby qanaǵattanlyrylmasa, ruqsatymyzdy qaıtaryp alamyz».
Zaýyt qoldan joıylsa, 600 adam dalada qalyp, 2500 sharýa qojalyqtary et ónimderin ótkizetin jer tappaı sendelýi múmkin.
Qazaqstandaǵy №1-shi óndiris orny sheneýnikterdiń zańsyz áreketti, sheshimderiniń saldarynan jabylyp qalýdyń az aldynda tur, - deıdi zaýyt qyzmetkerleri.
Aıta ketý kerek, qazir jer telimine qatysty daýǵa zaýyt janynan salynǵan úıdiń turǵyndary da qatysyp jatyr. Olarǵa sýdıa "sotqa qatysýshy úshinshi tarap" dep anyqtama bergen. Olar: "Kýbleıde" sharýamyz joq, bizdiń úıimizge kirýimizge kedergi keltirmese boldy", - dep pikir bildirýde.
- Prezıdentimiz «shaǵyn-jáne orta bızneske qoldaý kórseteıik, zaýyttar ashaıyq» - dep úndeý jarııalaıdy, al bizdiń jergilikti oryndardy otyrǵan ákimdik qyzmetkerleri bar kásipti tunshyqtyrǵysy keledi. Bul kisilerdiń qazir Kýbleıde sharýasy joq. Úılerge turǵyndar kóshirilgennen keıin zaýyttan shyqqan aýaǵa tunshyǵyp jatyrmyz» demesine kim kepil? Zaýyt emes ol kisilerdiń qasyna kóship barǵan? Ol kisilerdiń máselesin zaýyttyń qasyndaǵy sanıtarlyq aýmaqtyń nysanaly maqsatyn ózgertip, alpaýyttarǵa satyp jibergen sheneýnikter jaýap bersin!» - deıdi zańger.
Sonymen qatar, Baqytjan Bazarbek, óz ómirine qaýip tónip turǵanyn, oǵan osy sot proesiniń qatysy baryn da aıtty.
«Bir adam meniń ómirime qaýip tónetini» týraly eskertti. «Sen Almatyda nemese Astanada bir jamandyqqa ushyrap qalýyń múmkin» dedi sottan soń. Meni atýy nemese ýlaýy múmkin. Tipti, pyshaqtap ketýi de múmkin. Maǵan qandaı qaýip keletini týraly suraǵanymda álgi adam: «men tek eskerttim» dedi. Ómirime qaýip tónip otyr. Bunyń basty sebebi osy Oral qalasynda bolyp jatqan sot», - dedi Baqytjan Bazarbek.
"Adyrna" ulttyq portaly
