Qaraǵandy oblysy ákiminiń orynbasary bolyp Álibek Áldeneı taǵaıyndaldy. Ol bilim, ishki saıasat, tilderdi damytý, jastar saıasaty, din, mádenıet jáne sport isteri máselelerine jetekshilik etetin bolady, dep habarlaıdy “Adyrna”ulttyq portaly.
Áldeneı Álibek Úsenuly 1984 jyly Túrkistan oblysynda dúnıege kelgen. Úsh joǵary bilimi bar: Ál-Farabı atyndaǵy Qazaq ulttyq ýnıversıtetin «Saıasattaný» mamandyǵy boıynsha, Qaraǵandy qarjy ınstıtýtyn «Qarjyger» mamandyǵy boıynsha, Qazaqstan Respýblıkasy Prezıdentiniń janyndaǵy Memlekettik basqarý akademııasynyń magıstratýrasyn bitirgen. Eńbek jolyn 2006 jyly QR Aqparat jáne sport mınıstrligi Aqparat jáne muraǵattar komıteti buqaralyq aqparat quraldary basqarmasynyń buqaralyq aqparat quraldarynyń monıtorıngi bóliminiń jetekshi mamany bolyp bastady. 2006 jyldan 2010 jylǵa deıin Qazaqstan Respýblıkasy Mádenıet jáne aqparat mınıstrliginde túrli laýazymdarda jumys istedi. 2010 jyldan 2013 jylǵa deıin «2011 jylǵy 7-shi qysqy Azııa oıyndarynyń atqarýshy dırekııasy» AQ marketıngtik saıasat boıynsha bas menedjeri, «Halyqaralyq baǵdarlamalar ortalyǵy» AQ jobalar bóliminiń menedjeri, «Samuryq-Qazyna» UÁQ aqparattyq-taldaý departamentiniń bas menedjeri qyzmetterinde eńbek etti. 2015 jyly «Ońtústik astana» teleradıokompanııasy» AQ Bas dırektory bolyp taǵaıyndaldy. 2019 jyldan bastap Astana qalasynda «AMANAT» partııasynyń hatshysy bolyp jumys istedi, 2023 jyldan bastap qazirgi ýaqytqa deıin Qazaqstan Respýblıkasy Prezıdenti Ákimshiliginiń kommýnıkaııalar bólimi meńgerýshisiniń orynbasary boldy. 2024 jyldyń 1 shildesinen bastap Qaraǵandy oblysy ákiminiń áleýmettik sala, ishki saıasat, qoǵamdyq damý máseleleri jónindegi orynbasary bolyp taǵaıyndaldy.
