Taldyqorǧan qalasyndaǧy «Atameken» käsıpkerler palatasy alaŋynda «Ädılettı jäne Progressivtı Qazaqstannyŋ Halyqtyq Konstitusiiasy üşın» jalpyūlttyq koalisiiasynyŋ jūmysy şeŋberınde Jetısu oblysy aktivımen kezdesu öttı. Is-şara jaŋa Konstitusiia jobasy men alda bolatyn respublikalyq referendum boiynşa tüsındıru jūmysynyŋ bölıgı retınde ūiymdastyryldy.
Premer-ministrdıŋ orynbasary – Mädeniet jäne aqparat ministrı, Koalisiia töraǧasynyŋ orynbasary Aida Balaeva öz sözınde reformanyŋ saiasi-äleumettık mänıne keŋınen toqtala kele, Memleket basşysynyŋ ūiytqy boluymen qolǧa alynǧan özgerıster memlekettık basqarudyŋ ädıl, ornyqty ärı tiımdı modelın qalyptastyruǧa baǧyttalǧanyn atap öttı. Keŋ kölemdı reformalar paketınıŋ basty erejelerınıŋ bırı retınde bır palataly Parlamenttıŋ qūryluyn tılge tiek etıp, būl öz kezegınde instituttardyŋ jauapkerşılıgın küşeitıp, zaŋnamalyq üderıstı jedeldete tüsetının aitty.
«Memleket basşysynyŋ referendum ötkızu turaly şeşımı azamattardyŋ tıkelei taŋdauy arqyly taǧdyrşeştı özgerısterdı bekıtuge baǧyttalǧan maŋyzdy demokratiialyq qadam dep esepteimın. Referendum – jai ǧana formaldy prosedura emes, ol – strategiialyq maŋyzy zor şeşımderdı qabyldauǧa halyqtyŋ tıkelei qalysuynyŋ tiımdı tetıgı», dep atap öttı Aida Balaeva.
Mäjılıs deputaty Bolat Kerımbek jaŋa jobanyŋ äleumettık jäne qūndylyq tūrǧysyndaǧy maŋyzyna toqtaldy. Onyŋ aituynşa, adamdar Konstitusiiany qauıpsızdık pen ädıldıktıŋ ıs jüzındegı kepıldıgı retınde sezınuge tiıs.
«Referendumda taŋdau jasau – öz taǧdyryŋ üşın ärı memlekettıŋ bolaşaǧy üşın jauapkerşılık. Öitkenı Konstitusiia – memlekettıŋ ǧana emes, ärbır otbasynyŋ da qorǧany», dep atap ötıp, qoǧamdyq kelısım men ūlttyq qūndylyqtardy nyǧaitudyŋ maŋyzyn eske saldy.
Jaŋa jobany talqylau jiynyna Mäjılıs deputaty Nikita Şatalov, Abai atyndaǧy QazŪPU basqarma töraǧasy – rektory Bolat Tılep, «Qazaqstan halqyna» QQ basqarma töraǧasy Läzzat Şyŋǧysbaeva, «Qazaqstandyq qoǧamdyq damu instituty» KeAQ basqarma töraǧasy Jūldyzai Ysqaqova, Jetısu oblystyq mäslihatynyŋ töraǧasy Gülnar Toilybaeva, Jetısu oblysy Ardagerler keŋesınıŋ töraǧasy Ermek Kelemseiıt qatysty.
Qazaq ūlttyq pedagogikalyq universitetınıŋ basqarma töraǧasy – rektory Bolat Tılep jaŋa Konstitusiianyŋ maŋyzy men mazmūny turaly oiymen bölıstı.
«Jaŋa Ata zaŋnyŋ mazmūnynda «Ädılettı Qazaqstan» ideiasynyŋ arman-mūraty, mümkındıkterı men jauapkerşılıgı, saualdary men jauaptary körınıs tapqan.
Ūsynylyp otyrǧan özgerısterdıŋ tereŋ maǧynasy men tarihi maŋyzyn men osydan köremın», dep atap öttı ol.
«Qazaqstandyq qoǧamdyq damu instituty» KeAQ basqarma töraǧasy Jūldyzai Ysqaqova neke institutyn konstitusiialyq tūrǧyda nyǧaitu mäselesın köterıp, memlekettıŋ qūqyqtyq jäne qoǧamdyq negızderın nyǧaitudaǧy atalǧan normalardyŋ maŋyzyn tılge tiek ettı.
«Nekenı er men äieldıŋ erkın ärı teŋ qūqyly odaǧy retınde konstitusiialyq tūrǧyda bekıtu qoǧam tarapynan qoldau tauyp otyrǧan neke modelın joǧary zaŋdyq küşı bar norma retınde bekıtuge, memlekettık organdardyŋ qūqyq qoldanu jäne profilaktikalyq qyzmetı üşın bıryŋǧai baǧdar qalyptastyruǧa, nekege mäjbürleudıŋ kez kelgen formasyna qatysty nöldık tözımdılıktı qamtamasyz etuge, otbasy institutyn ūzaq merzımdı ornyqty qazaqstandyq qoǧamnyŋ negızı retınde nyǧaituǧa mümkındık beredı»,- dep tüsındırdı J.Ysqaqova.
Jetısu oblysy Ardagerler keŋesınıŋ töraǧasy Ermek Kelemseiıt Parlament atauynyŋ Qūryltai bolyp özgeruı jaiyndaǧy bastamanyŋ maŋyzy turaly aita kele, onyŋ tarihi ärı ruhani tereŋ mänıne nazar audardy.
«Bız de Parlamenttıŋ Qūryltai dep ataluy turaly bastamany jai ǧana atyn auystyru emes, tarihi tamyrymyzǧa qaitu ärı ūlttyq bıregeilıktı bekıtu retınde qaraimyz. Būl – bızdıŋ memlekettılık dästürlerımızdıŋ jaŋǧyruy men damuy», dedı ol.
Jetısu oblystyq mäslihatynyŋ töraǧasy Gülnar Toilybaeva jaŋarǧan Ata zaŋnyŋ basty erejelerıne qatysty oiyn bıldırıp, memlekettıŋ qūndylyqtyq baǧdarlaryn nyǧaitu mäselesıne den qoidy.
«Ädıldık, Zaŋ men Tärtıp, tabiǧatqa ūqypty qarau Konstitusiia deŋgeiınde tūŋǧyş ret bekıtılıp otyr. Memlekettık bilıktıŋ qainar közı Qazaqstan halqy ekenı aiqyn jazyldy. Basty ideia – bılımnıŋ, ǧylymnyŋ, mädeniet pen innovasiianyŋ, sondai-aq adami kapitaldyŋ damuyna basymdyqtyŋ berıluı», dep atap öttı ol.
Kezdesu soŋynda aimaqtyq aktiv tarapynan qatysuşylar sūraqtaryn qoiyp, tüsındıru jūmysy boiynşa ūsynystaryn aitty. Sondai-aq, azamattardyŋ referendumǧa qatysuynyŋ maŋyzyn atap öttı.
