“Menıŋ ornyma Qairat kettı”. Äzılkeş Qabatov konsertınde Qairat Nūrtas jaily äzıldedı

Äzılkeş Tūrsynbek Qabatov bostandyqqa şyqqan soŋ konsert berıp, qamauǧa alynǧan Qairat Nūrtas turaly äzıldedı, - dep habarlaidy “Adyrna” ūlttyq portaly. Esterıŋızde bolsa, būǧan deiın ūşaq bortynda ūsaq būzaqylyq jasaǧany üşın Tūrsynbek Qabatov 5 täulıkke qamauǧa alynǧan bolatyn. Konsertten üzındını Instagram jelısınde Qabatovtyŋ jūbaiy Möldır Mūqan jariialady. Videoda Tūrsynbek Qabatov zaldaǧy körermenderge konsertke 5 kün boiy tyŋǧylyqty daiyndalǧanyn aitty. «Men būl konsertke bes kün boiy qatty daiyndaldym, telefonymdy öşırdım, eşqaida barmai, daiyndaldym. Endı konsertke daiyndaluǧa menıŋ ornyma Qairat kettı», - dep äzıldedı Qabatov. Būl äzıl körermenderge ūnaǧan syŋaily, zal du qol şapalaqtady. "Körermenderge degen qūrmetı qandai deseişı. Bügıngı konsertten üzındı. Halyq jaqsy körmese, zal lyq tolmas edı. Barlyq kelgen körermenderge köp rahmet. Aitpaqşy, aita keteiınşı. Synaq boluy boldy ǧoi. Baiqaǧanym, halyq tarapynan qoldauşylar köp boldy. Jaqsy jazǧan jandar, sızderge jaqsylyq eselene kele bersınşı. Barlyǧyŋyzǧa rahmet», - dep jazdy äzılkeştıŋ äielı äleumettık jelıde. Eske sala keteiık, Qabatov ÄQBtK-nıŋ 434-babynyŋ 1-bölıgınde közdelgen äkımşılık qūqyq būzuşylyqty jasaǧany üşın kınälı dep tanyldy. Ol äkımşılık jazaǧa tartylyp, 5 täulıkke qamauǧa alyndy. Al Qairat Nūrtas 5 şılde künı, ūşaq bortyndaǧy janjal üşın 15 täulıkke sottaldy.