Ánshi Meırambek Bespaev 15 táýlikke qamaýǵa alynǵan Qaırat Nurtasty qoldap, jazba jarııalady, dep habarlaıdy “Adyrna” ulttyq portaly.
Meırambek Bespaev Qaırat Nurtasty aınalasyndaǵy satqyn dostardan aýlaq júrýge shaqyryp, “bultty kúnderden keıin, kún shyǵatynyn aıtyp” júrekjardy sózderin arnady:
“Keıde esigińnen kúlip kirip, tekemetińdi tilip ketetinder bolady. Adam alasy ishinde ǵoı. Dosym dep júrip domalaq aryz jazyp, quny qymbat dostyqty qastyqqa aıyrbastaı salatyn haıýandar kóbeıdi. Qaırat inim, Qudaı janyńa qýat bersin. Bulttyń artynan kún shyǵatyny sekildi, ár jamandyqtyń artynan úlken jaqsylyq bolatyny aqıqat. Endi abaılap júrshi. Mańaıynda júrgenderdi suryptap qarashy. Seni satqan aqymaqtyń jazasyn Alla beredi. Alla ádiletti” dep jazdy ol.
Esterińizge sala keteıik, keshe, 5 shilde kúni ánshi Qaırat Nurtastyń ushaqta bolǵan janjalyna qatysty onlaın sot otyrysy ótip, úkim boıynsha ol 15 táýlikke qamaýǵa alynǵan bolatyn.
