Bügın, 6 şılde — būrynǧy prezident Nūrsūltan Nazarbaevtyŋ tuǧan künı. Qart saiasatker biyl 84-ke toldy, dep habarlaidy “Adyrna” ūlttyq portaly.
Nazarbaev 1940 jyly 6 şıldede Ile Alatauynyŋ bauraiyndaǧy Üşqoŋyr jailauynda Äbış pen Äljan Nazarbaevtar şaŋyraǧynda düniege kelgen.
1989–1991 jyldary Qazaqstan kompartiiasy Ortalyq komitetınıŋ bırınşı hatşysy bolǧan Nazarbaev, 1989–1992 jyldary KSRO halyqtyq deputaty, keiın sol uaqytta 1990 jylǧy aqpan-säuırde Qazaq KSR Joǧarǧy keŋesınıŋ töraǧasy atandy.
1990 jylǧy 24 säuırde Qazaq KSR Joǧarǧy Keŋesınıŋ sessiiasynda Qazaq KSR prezidentı lauazymyna taǧaiyndaldy. Qazaqstandy otyz jylǧa juyq basqarǧan Nūrsūltan Nazarbaev 2019 jylǧy 19 nauryzda el prezidentı qyzmetınen ketetının mälımdedı.
Nūrsūltan Nazarbaev Qazaqstan prezidentı ökıletın 2019 jylǧy nauryzda Qasym-Jomart Toqaevqa tabystap bergenımen, bilıktı Qauıpsızdık keŋesı arqyly 2022 jyldyŋ qaŋtaryna deiın qolynda ūstady.
Taqtan ketken soŋ Nazarbaevtyŋ esımı tarih betterınen öşırıle bastady.
Keiın 2022 jylǧy 5 qaŋtarda prezident Toqaev Qauıpsızdık keŋesınıŋ töraǧasy qyzmetın qolyna alǧanyn mälımdedı. 2022 jylǧy 28 qaŋtarda "Nūr Otan" partiiasynyŋ töraǧalyǧynan kettı. 2022 jylǧy 2 nauryzda Nazarbaevtyŋ esımınıŋ alǧaşqy buyny jazylǧan "Nūr Otan" partiiasy "Amanat" bolyp özgerdı. 2022 jylǧy 5 mausymda ötken referendumda Konstitusiiadan "Tūŋǧyş prezident – elbasy" turaly baptar joiyldy. 2022 jylǧy 17 qyrküiekte memleket astanasynyŋ Nūr-Sūltan atauy qaitadan Astana bolyp özgerdı. 2023 jylǧy 1 qaŋtarda Nūrsūltan Nazarbaev ömır boiǧy müşesı bolady dep sanalǧan konstitusiialyq keŋes qyzmetın toqtatty. 2023 jylǧy 12 qaŋtarda eks-prezident "qūrmettı senator" ataǧynan aiyryldy. 2023 jylǧy 15 aqpanda "Tūŋǧyş prezident - elbasy" turaly zaŋnyŋ küşı joiyldy. 2023 jylǧy 12 şıldede prezident Toqaev qylmystyq kodeksten "Elbasy" turaly bapty alyp tastady. Basqa zaŋdar men qūqyqtyq aktılerden de "Tūŋǧyş prezident – elbasy" sözı alyndy. 2023 jylǧy 24 şıldedegı prezident jarlyǧymen Memlekettık küzet qyzmetınen Nazarbaevtyŋ qauıpsızdıgın qamtamasyz etu mındetı alynyp tastaldy. 2023 jylǧy 16 qaraşada Toqaev Nazarbaev töraǧa bolǧan "Samūryq-Qazyna" äl-auqat qoryn basqaru keŋesın taratudy közdeitın zaŋǧa qol qoidy.
Nūrsūltan Nazarbaev prezidenttıkten ketkennen keiın 2021 jyly “Ştrihi k portretu” derektı filmıne sūhbat bergen bolatyn. Onda ol özınıŋ ömır joly, prinsipterı men közqarasy jaily syr şertken:
“Satqyndyq maǧan ūnamaidy. Satqyndardyŋ ömırı jaqsylyqpen aiaqtalmaidy. Olardyŋ jüregınde "qūrt" tūrady Sol "qūrt" olardy ıştei jegıdei jeidı. Olar özderınıŋ dūrys jasamaǧanyn, öz halqyna, memleketıne qarsy şyqqanyn bıledı. Sondyqtan men eş uaiymdamaimyn. Satqyndar özderıne tiıstını alady”, – dedı ol sūhbatta.
Al qazır tuǧan kün iesınıŋ qaida ekenı belgısız. Soŋǧy ret eks-prezident BAÄ astanasy - Dubaida ornalasqan Niu-Iork Abu-Dabi universitetınde jürgenı aitylǧan edı.
