Ánshi Qaırat Nurtastyń eks-dosy, jábirlenýshi Asylbek Bekqaıyrov 10 táýlikke qamaýǵa alyndy. Bul týraly Almaty qalalyq sotynyń baspasóz qyzmeti málimdedi, dep habarlaıdy “Adyrna” ulttyq portaly.
«Sot qaýlysymen B., ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanylyp, oǵan 10 táýlikke qamaýǵa alý túrindegi ákimshilik jaza taǵaıyndaldy», delingen málimdemede.
Sot 4 shilde kúni Almaty-Astana reısiniń bortynda Bekqaıyrovtyń ádepsiz sózder aıtyp, janjaldasyp, belgili ánshi Qaırat Nurtaspen tóbeleskenin anyqtady.
Bekqaıyrovtyń ózi kinásin moıyndaǵan joq.
Buǵan deıin ushaq bortyndaǵy janjaldan keıin ánshi Qaırat Nurtasqa qatysty is qozǵalǵany habarlanǵan bolatyn. Sonymen qatar, Qaırat Nurtastyń 15 táýlikke qamaýǵa alynǵanyn aıtyldy.
