Abylai Myrzahmetov ekı aiǧa qamauǧa alyndy. Būl turaly qalalyq sottyŋ baspasöz qyzmetı jariialady, dep habarlaidy “Adyrna” ūlttyq portaly.
10 mamr künı «Atameken» ūlttyq käsıpkerler palatasynyŋ būrynǧy basşysy Abylai Myrzahmetov qamauǧa alynǧanyn habarlaǧan bolatynbyz.
Keiın Antikorrupsiialyq qyzmet ol qandai qylmysqa qatysty ūstalǧanyn jariia ettı.
Keibır aqparat qūraldarynyŋ habarlauynşa, ol «30 million dollar paramen» ūstalǧan. Būl aqparat resmi türde rastalǧan joq.
Abylai Myrzahmetov ötken jyldyŋ aqpan aiynda «Atameken» ŪKP basqarma töraǧasy qyzmetınen kettı.
Būǧan deiın ol Qazaqstan Respublikasy Prezidentı janyndaǧy Ekonomikalyq ösımdı qalpyna keltıru jönındegı memlekettık komissiianyŋ müşesı bolǧan.
Sondai-aq «Qazaqstan temır joly» respublikalyq memlekettık käsıporny bas direktorynyŋ mındetın atqaruşy, «Samūryq-Qazyna» qory janyndaǧy Qoǧamdyq konsultativtık keŋestıŋ jauapty hatşysy boldy.
Ūqsas jaŋalyqtar
