Memleket basşysy Qasym-Jomart Toqaev Resei prezidentı Vladimir Putinmen kezdesu ötkızdı, dep habarlaidy “Adyrna” ūlttyq portaly “Aqorda” saityna sıltep.
“Äŋgımelesu barysynda Memleket basşysy ŞYŪ sammitıne qatysuǧa kelgenı üşın Vladimir Putinge rizaşylyǧyn bıldırdı. Sondai-aq Reseidıŋ «şanhai ruhyn» nyǧaitu ısıne jäne Ūiymǧa müşe eldermen köpjaqty yntymaqtastyqty damytuǧa aitarlyqtai üles qosqanyn atap öttı” delıngen habarlamada.
“Şanhai yntymaqtastyq ūiymyna töraǧalyq etu – öte märtebelı ärı jauapty missiia. Erteŋ bızdıŋ töraǧalyǧymyz aiasynda atqarylǧan jūmystar turaly baiandaimyn. Ūiymnyŋ özınde reforma jürgızılıp jatyr. Äitse de būl oŋai şarua emes. ŞYŪ halyqaralyq arenada laiyqty bedelge ie boldy. Menıŋ oiymşa, būl – eŋ tabysty halyqaralyq ūiymdardyŋ bırı. Sonymen qatar būl – demokratiialyq sipattaǧy ūiym, iaǧni barlyq memlekettıŋ teŋdık qaǧidaty saqtalady. Ärine, Şanhai yntymaqtastyq ūiymynyŋ äleuetın nyǧaituǧa Reseidıŋ qosqan eleulı ülesın atap ötpeske bolmaidy. Osy oraida töraǧa qūqyǧyn paidalanyp, Sızge alǧys aitqym keledı” dedı Prezident.
Memleket basşysy strategiialyq serıktestık pen odaqtastyqqa negızdelgen qazaq-resei qatynastarynyŋ qazırgı jai-küiı men damu perspektivasy jönınde aitty.
Qasym-Jomart Toqaev Vladimir Putinnıŋ Qazaqstanǧa byltyr qaraşa aiynda jasaǧan tarihi saparynan keiın ekıjaqty yntymaqtastyq qarqyndy damyp kele jatqanyna nazar audardy.
“Būǧan deiın qol jetkızılgen uaǧdalastyqtardyŋ jüzege asyrylu barysyn öz baqylauymda ūstap otyrmyn. Sızdıŋ saparyŋyz kezınde kelısılgen jobalardyŋ maŋyzy zor jäne elderımızdıŋ özara yqpaldastyǧynyŋ strategiialyq sipatymen ūştasady. Sondyqtan olardyŋ jüzege asatynyna eş kümänım joq. Öitkenı būl jobalar Qazaqstan men Resei Federasiiasynyŋ müddelerıne sai keledı” – dedı Memleket basşysy.
Qasym-Jomart Toqaev Vladimir Putindı biyl küzde elımızge taǧy da memlekettık saparmen keluge, sonymen bırge ŪQŞŪ Ūjymdyq qauıpsızdık keŋesınıŋ otyrysyna qatysuǧa şaqyrdy.
Ūqsas jaŋalyqtar
