Almatylyq boijetkendı kezdesuge şaqyrǧan azamat oǧan jauyzdyq körsetıp, öltırgen. Tuystarynyŋ aituynşa, küdıktı qylmysyn jasyru üşın qyzdyŋ ūialy telefonyn alyp qaşyp ketken, dep habarlaidy «Adyrna» ūlttyq portaly Astana telearnasyna sılteme jasap.
Aqparatqa säikes, 31 jastaǧy Ainagül Almaty qalasynda mansap qūryp, jaqyndaryna järdemdesıp jürgen bır üidıŋ kenje qyzy bolǧan. Kezdesuge şaqyrǧan jıgıttı būryn 1 ret ǧana körgen. Tuystary Ainagüldıŋ kezdesu aldynda qaldyrǧan audio jazbasyn bölıstı. Onda ol 1 saǧat otyryp, üige qaitamyn dep habarlama qaldyrǧan. Alaida būl jas qyzdyŋ soŋǧy haty boldy. Kafede er azamat dörekılık tanytyp, boijetkennıŋ erkınen tys äreketterge barǧan körınedı. Artynşa jas qyzdy küşpen süirelep dalaǧa alyp şyqqanyn bırneşe kuäger körgen. Ainagül öz telefonynan polisiia şaqyrǧan. Alaida şamamen 20 minuttan soŋ kelgen tärtıp saqşylary boijetkennıŋ mäiıtın tapty.«Kameradan körsetıp tūr, keudesınen itergen sıŋılımdı. Sıŋılım qūlaǧan, sodan būl jıgıt qaşyp ketedı. Qaşyp ketedı de bır 20 minuttan keiın ba qaityp keledı de, telefonyn tastap ketedı. Jaŋaǧy telefonyn alyp ketken ǧoi, bız oilaimyz nege ol telefondy alyp kettı. Özınıŋ ana dokazatelstvosyn öşıru üşın alyp kettı ma deimız. Äitpese kelıp skoryi şaqyruǧa bolar edı. Oqiǧadan keiın küdıktınıŋ jaqyndary marqūmnyŋ ata-anasynyŋ üiıne baryp keşırım sūramaq bolǧan. Keşırım sūraudyŋ ornyna keudesın kerıp "my siuda prişli ne opravdyvatsia" dep tūr. Janazasyn şyǧaryp bıtkennen keiın keşkısın keldı, bır konvert aqşa alyp keldı, ol aqşa bızge kerek emes, qanǧa malynǧan aqşa bızdıŋ sıŋılımızdı qaitaryp alyp kelmeidı. Sol üşın sızderge bır ötınış jıgıt öz jazasyn alsyn, qolymen ıstegenın moinymen kötersın», - deidı marqūmnyŋ äpkesı.Būl jaǧdai Polisiia departamentınde tırkelıp, tergeu äreketterı jürıp jatyr.
«Atalǧan derek boiynşa Türksıb audandyq polisiia Basqarmasymen QR QK-nıŋ 99-baby 1-bölıgı boiynşa sotqa deiıngı tergeu amaldary jürgızılıp jatqanyn habarlaidy», - dedı qalalyq polisiia departamentınıŋ resmi ökılı Saltanat Äzırbek.Aitalyq, osy qylmysty jasady degen küdıktı 1991 jyly tuǧan T. esımdı azamat ūstalyp, qamauǧa alyndy. Qylmystyq ıstıŋ şeŋberınde tergeu äreketterı tergeudıŋ obektivtılıgı, jan-jaqtylyǧy jäne tolyqtyǧy qaǧidattaryn qataŋ saqtai otyryp jüzege asyrylady. Saraptamalar taǧaiyndaldy. Marqūm Ainagüldı jaqyndary öte eŋbekqor, adal jan, bılıktı maman, otbasynyŋ süiıktı qyzy edı deidı. Qaiǧydan qan jūtqan onyŋ tuystary küdıktınıŋ qataŋ jazalanuyn sūraidy. https://youtu.be/aj_f21tc9oo
«Adyrna» ūlttyq portaly
Ūqsas jaŋalyqtar
