Алматыда жедел жәрдем көлігі мейрамхананың жазғы террассасының қоршауына кіріп кетті, деп хабарлайды “Адырна” ұлттық порталы қалалық полиция департаментінің баспасөз қызметіне сілтеме жасап.
«Жедел жәрдем жүргізушісі Шишкин көшесімен солтүстік бағытта келе жатып, екі Toyota және Hyundai көлігімен соқтығысқан. Сосын ол мейрамханалардың бірінің жазғы террассасының қоршауына соғылды», делінген хабарламада.
Жергілікті полиция қызметінің хабарлауынша, оқиға бүгін сағат 16:10-да Алматының Бостандық ауданында болған. Апат салдарынан зардап шеккендер жоқ екені хабарланды.
Оқиғаның мән-жайын Бостандық аудандық ішкі істер бөлімінің қызметкерлері анықтап жатыр.
