Almaty ákimi Erbolat Dosaevtyń ókimimen, QR Prezıdenti Ákimshiliginiń kelisimimen Almaty qalasy ákiminiń orynbasary bolyp Azamat Qaldybekov taǵaıyndaldy, dep habarlaıdy “Adyrna” ulttyq portaly.
Azamat Qaldybekov 1984 jyly 11 qazanda dúnıege kelgen. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha bitirgen, Bolashaq baǵdarlamasy boıynsha Dıýk ýnıversıtetinde (Soltústik Karolına, AQSh) quqyq magıstri dárejesin alǵan, Qazaq ulttyq agrarlyq zertteý ýnıversıtetinde fılosofııa doktory (Phd) ǵylymı dárejesin alǵan.
Eńbek jolyn 2007 jyly Almaty qalasy Bostandyq aýdany № 2 aýdandyq sotynyń jetekshi mamany qyzmetinen bastaǵan.
Ár jyldary QR Ulttyq banki, «Samuryq-Qazyna» AQ, «Azamattarǵa arnalǵan úkimet» memlekettik korporaııasy» KEAQ qurylymdarynda jumys istedi.
2018 jyly Almaty qalasy ákiminiń bas ınspektory boldy. 2018 jyldyń shildesinen 2019 jyldyń naýryzyna deıin Almaty qalasy Jetisý aýdany ákimi apparatynyń basshysy qyzmetin atqardy. 2019 jyldyń naýryz-qazan aralyǵynda Almaty qalasy jer qatynastary basqarmasy basshysynyń orynbasary bolyp eńbek etti. 2020 jyldyń qańtaryna deıin Almaty qalasy Jasyl ekonomıka basqarmasy basshysynyń orynbasary qyzmetin atqardy.
2020 jyldyń qańtar aıynan bastap qazirgi ýaqytqa deıin Almaty qalasy Alataý aýdanynyń ákimi bolǵan.
