Memlekettık keŋesşı Erlan Qarin Şetelde kadrlar daiarlau jönındegı respublikalyq komissiianyŋ otyrysyn ötkızdı, dep habarlaidy “Adyrna” ūlttyq portaly.
Komissiianyŋ şeşımımen 184 otandasymyzǧa «Bolaşaq» stipendiiasy taǧaiyndaldy. Olar magistratura jäne doktorantura baǧyttary boiynşa älemnıŋ üzdık universitetterınde bılım alady. Sonymen qatar otyrysta otandyq ǧalymdardyŋ jetekşı şeteldık ǧylymi ortalyqtarda ǧylymi taǧylymdamadan ötu mäselesı qaraldy.
Memlekettık keŋesşı Prezidenttıŋ atalǧan bastamasy Qazaqstan ǧylymynyŋ damuyn yntalandyruǧa baǧyttalǧanyn atap öttı. Erlan Qarin ǧylymi taǧylymdamaǧa arnalǧan granttardy bölu kezınde otandyq ǧylymnyŋ basym baǧyttary boiynşa tepe-teŋdıktı mındettı türde saqtau qajet ekenıne nazar audardy. Būl äleumettık-gumanitarlyq, sondai-aq injenerlık-tehnikalyq mamandyqtarǧa da qatysty. Memlekettık keŋesşı otyrys qorytyndysy boiynşa «Bolaşaq» halyqaralyq stipendiiasyna jäne ǧylymi taǧylymdamalar baǧdarlamasyna konkurstyq negızde ırıkteu prosesın odan ärı jüzege asyruǧa ärı jetıldıruge qatysty bırqatar naqty tapsyrma berdı.
“Bügın şetelde kadrlar daiarlau jönındegı respublikalyq komissiianyŋ kezektı otyrysyn ötkızdık. Jalpy biyl 184 otandasymyz «Bolaşaq» halyqaralyq stipendiiasyna ie boldy.
Komissiia otyrysynda otandyq ǧalymdardyŋ älemnıŋ jetekşı ǧylymi ortalyqtarynda taǧylymdamadan ötu mäselesı qaraldy. Būl rette ǧylymi taǧylymdama boiynşa granttardy bölu kezınde otandyq ǧylymnyŋ basym baǧyttary boiynşa tepe-teŋdıktı mındettı türde saqtau kerek. Būl äleumettık-gumanitarlyq baǧyttaǧy, sondai-aq injenerlık-tehnikalyq baǧyttaǧy mamandyqtarǧa da qatysty. Älemnıŋ üzdık joǧary oqu oryndarynda bılım alyp, jetekşı ǧylymi, öndırıstık ortalyqtarda tiıstı taǧylymdamadan ötetın qazaqstandyqtar keleşekte elımızdıŋ damuy men örkendeuıne qyzmet etedı dep senemın” dep jazdy Erlan Qarin jelıde.
Ūqsas jaŋalyqtar
