20 maýsym kúni Bishkek qalasynda Jibek joly memleketteriniń ónerli áıelder qaýymyn jınaǵan alqaly jıyn ótti. Halyqaralyq forýmda Qytaı, Qyrǵyzstan, Ázirbaıjan, Ózbekstan jáne Qazaqstannan kelgen ókilder bas qosty. Sýretshilerdiń, dızaınerlerdiń jáne qolónershi qyz-kelinshekterdi bir shańyraq astyna toptastyrǵan is-shara Bishkek Ulttyq tarıh murajaıynda ótti.
Forýmdy Qytaıdyń Shensı áıelder federaııasy men Jibek joly elderiniń dızaınerler odaǵy, Qyrǵyz Respýblıkasynyń Bilim jáne ǵylym mınıstrligi, Ulttyq tarıh murajaıy jáne «Quraq áıelder forýmy» qoǵamdyq uıymy birlikte uıymdastyrdy.
Atalǵan forýmǵa Qazaqstan atynan QR Sýretshiler odaǵynyń múshesi, Qazaqstannyń eńbek sińirgen óner qaıratkeri Sáýle Syzdyqqyzy Bapanova qatysyp, joldasy Álibaı Bapanov ekeýiniń týyndylaryn kórmege qoıdy. Árbir kórmede biregeı ulttyq naqyshtar men ónerdiń zamanaýı ınterpretaııalary kórsetildi. Sonymen qatar, Uly Jibek joly elderi Dızaınerler odaǵynyń sán kórsetilimi uıymdastyryldy. Onda mádenı dástúrler men zamanaýı trendterden shabyttanǵan toptamalar kórsetildi.
«Forýmǵa Qazaqstan atynan meni shaqyrǵan eken. Eki-úsh aı boıy kelissóz júrgizip, týǵan eldiń atynan bizdi tańdaǵanyn jetkizdi. Bul árıne, men úshin bıik mártebe ári zor jaýapkershilik boldy. Is-sharaǵa óneri arqyly ulttyq mádenıetti damytyp júrgen bes eldiń myqty áıelderi jınaldy. Óte isker, ónerli, jalyndaǵan ókilder bas qosty deı alamyn. Uıymnyń aldaǵy maqsattary keremet. Ideıa avtory, BUU shyǵarmashylyq rezerviniń múshesi, jibek boıynsha sýretshi Fan Ianıanmen jaqyn sóılesip, suhbat qurdyq. Meniń aparǵan jumystarym Qytaı delegaııasyna óte unap, joǵary baǵasyn berdi. Osy jyldyń qazan aıynda Sıanda ótetin kórmege qurmettep shaqyrdy. Zamanǵa saı ulttyq ónerimizdi álem elderi aldynda abyroımen dáriptep kelgenime qýanyshtymyn», dedi Qazaqstan sýretshisi Sáýle Bapanova.
Bishkekte ótken is-shara Jibek joly elderi arasyndaǵy mádenı almasý men yntymaqtastyqty nyǵaıtýdyń tamasha alańyna aınaldy. Jınalǵan kópshilik Jibek joly elderiniń ózara óner yntymaqtastyǵynyń bastamasy bolatyn memorandýmǵa qol qoıylǵanyna kýá boldy. Bishkek ýnıversıtetiniń janynan Jibek joly elderiniń ónerine arnalǵan zerthana ashyldy. Sonymen qatar Jibek joly dızaınerler odaǵyn quryp, onyń prezıdenti bolyp Qyrǵyz eliniń ókili Dılbar Ashımbaeva saılandy. Rasynda da, mádenıet júrekterdi jaqyndastyrady, al óner álemdi biriktiredi. Ulttyq óner biregeılikti aıshyqtap, órkenıetter dıalogyna sebepker bolatyn zor áleýetke ıe ekenin osy forým taǵy bir ret dáleldeı aldy.
