Qajylyqqa attanǵandar aptap ystyqtan kóz jumýda. Resmı derekterde 500-den astam týrıstiń Mekkede qaıtys bolǵany aıtyldy, dep habarlaıdy “Adyrna” ulttyq portaly.
VVS agenttiginiń málimetinshe Mekkedegi ólimniń birneshe sebebi anyqtalǵan.
Birinshi sebep – qatty ystyq. Agenttik málimetinshe ajaldyń basty sebebi osy faktor. Mekkede bul joly kóleńkedegi aýa temperatýrasy 51 gradýstan joǵary bolǵan jáne tek túnde keıde 40-tan tómen túsken.
Ekinshi sebep - sanıtarlyq tazalyq. Týrısterdiń kóbi bıyl Mekkede júrip-turýdyń qıyndyǵyna shaǵymdanǵan. Sebebi shatyrlar qoqysqa tolǵan. Sonymen qatar keıbir jerde salqyndatý júıesi bolmaǵan.
Úshinshi másele - joldaǵy kedergi. Keıbir derekterde qajylyq kezinde týrısterdiń aptap ystyqta jaıaý júrýge májbúr bolǵany aıtylýda. Qajylardyń biri jeti shaqyrym kóleńkesiz jáne bir tamshy sýsyz júrip, jol kedergi kóptigin aıyptaǵan.
Tórtinshi másele - medıınalyq kómektiń jetispeýshiligi. Qajylyqqa kelgenderdiń basym kópshiligi medıınalyq kómektiń joqtyǵyna shaǵymdanǵan. Olar jedel járdem kólikterin uzaq kútip, keıbiri medıına qyzmetkerleriniń nemquraıly bolǵanyn aıtqan.
Bıyl qajylyqta qujatsyz qajylar da kezdesken.
Odan bólek egde jastaǵy, álsiz nemese naýqas qajylar kóp. Olardyń densaýlyǵy qajylyqqa jaramaıdy. Alaıda kóptegen týrıster soǵan qaramastan Mekkege attanǵan.
