Bügın - qazaqtyŋ bırtuar ūly Bauyrjan Momyşūlynyŋ tuǧan künı, dep habarlaidy "Adyrna" tılşısı.
Daŋqty qolbasşy 113 jyl būryn qazırgı Jambyl oblysynda tuǧan.
Batyrdyŋ Ūly Otan soǧysyndaǧy erlıgı men ösiet sözderı ūmyt bolmastan, älı künge deiın öskeleŋ ūrpaqqa aitylyp keledı.
Bauyrjan Momyşūly özınıŋ jyldamdyǧy men alǧyrlyǧynyŋ arqasynda "Şaŋtimes" degen laqap atqa ie bolǧan.
Halyq janaşyry, Keŋes odaǧynyŋ batyry, qolbasşy, körnektı jazuşy bola bılgen Bauyrjan Momyşūly äskerde talai adamdy öz önerımen täntı etken. At qūlaǧynda oinap, qylyşpen oiyn körsetude asqan eptılık tanytyp, Budennyidyŋ da közıne tüsken. Batyrdyŋ beinesı men bolmysy Äzılhan Nūrşaiyqovtyŋ 1976 jyly jazylǧan tuyndysy "Aqiqat pen aŋyzda" beinelengen.
Momyşūly Ūly Otan soǧysyna general-maior Panfilov basqarǧan äigılı diviziianyŋ qūramynda 1941 jyldan bastap bolǧan. Ol Mäskeu üşın şaiqasta 207 ret ūrysqa kırdı.
Talai adamnyŋ ömırın qiǧan soǧysta diviziia basqarǧan ekı qazaqtyŋ bırı – Bauyrjan Momyşūly. Al ekınşı qolbasşy – Äbılqaiyr Baimoldin.
Sondai-aq, soǧystan keiıngı jyldary Momyşūly tolyǧymen şyǧarmaşylyqqa bet būrǧan. Ol öz ömırındegı körgen bılgenderıne süiene kıtap jazyp, «Qanmen jazylǧan kıtap», «Ūşqan ūia», «Moskva üşın şaiqas» dep atalatyn tuyndylary jaryq körgen. Qolbasşy eŋbekterın qazaq jäne orys tılderınde jaryqqa şyǧarǧan.
Ūqsas jaŋalyqtar
