Astana ataýyn qaıtarý týraly depýtattardyń usynysy Memleket basshysynyń kelisimimen konstıtýııalyq zań jobasyna engizilgeni jóninde habarlandy. Osy oraıda Halyq Uni tilshisi Nur-Sultan qalasy ákimdigine Astana qalasynyń ataýyn Nur-Sultan dep ózgertýge jáne qujattaýǵa, aýystyrýǵa barlyǵy qansha qarjy jumsalǵandyǵyn surap resmı saýal joldady, dep habarlaıdy “Adyrna” ulttyq portaly.
Ákimniń baspasóz qyzmetiniń habarlaýynsha, elordanyń ataýyn ózgertýge qarajat tek mańdaıshalar men mórlerdi, polıgrafııalyq qyzmetterdi jańartýǵa jumsalǵan.
«2019 jyly ákimdik tarapynan elordanyń ataýyn ózgertýge qarajat tek mańdaıshalar men mórlerdi, polıgrafııalyq qyzmetterdi jańartýǵa baǵyttaldy. Qala boıynsha jalpy soma shamamen 30 mln teńgeni qurady. Aıta ketý kerek, elektrondyq qujat aınalymyna kóshý memlekettik organdardyń blankilerine qosymsha shyǵyndardy qajet etpeıdi, óıtkeni aqparattyq derekqorlarǵa tıisti ózgerister engizildi», delingen resmı jaýapta.
Eske salaıyq, 2019 jyly astana ataýy aýysqan tusta táýelsiz sarapshy elorda ataýyn ózgertýge 47 mlrd teńge (nemese 125 mln dollar) shyǵyn ketýi múmkin degen pikir aıtqan bolatyn.
«Elordanyń atyn ózgertý arzan emes, negizgi shyǵyndar bıýdjet esebinen jabylady. Negizgi shyǵys baǵyttary: azamattar úshin jańa qujattardy basyp shyǵarý – shamamen 80 mln dollar (3 mlrd teńge); jańa belgiler men belgilerdi óndirý – shamamen 25 mln dollar (9,5 mlrd teńge); jańa kartalardy óndirý – shamamen 5 mln dollardy (1,9 mlrd teńge) quraıdy, – degen sarapshy Aleksandr Razývaev.
Aıta ketelik, elorda máslıhaty 15 qyrkúıek kúni astana ataýyn ózgertý máselesin jurtshylyqpen talqylaıdy.
“Adyrna” ulttyq portaly
