Qazaqstannyń Ishki ister mınıstrligi Ýkraınada jýrnalıst Aıdos Sadyqovqa qastandyq jasady degen kúdiktiniń óz qatarynda baryn joqqa shyǵardy, dep habarlaıdy “Adyrna” ulttyq portaly.
«Azamat M.Qarataevqa qatysty, ol 2019 jyldyń qańtarynda ishki ister organdarynan bosatylǵanyn jáne qazirgi ýaqytta polıııa qyzmetkeri emes ekenin habarlaımyz.
Qazir memleket basshysynyń tapsyrmasyna sáıkes istiń barlyq mán-jaıyn anyqtaý úshin tıisti jedel sharalar qabyldaýdamyz. Osy jumystardyń qorytyndysy boıynsha qosymsha aqparat beriledi», - dedi juma kúni Ishki ister mınıstrligi.
Buǵan deıin jýrnalıstiń áıeli Natalıa Sadyqova Kıevtegi qastandyqqa polıııa qyzmetkeriniń qatysy bar degen boljam aıtty.
“Ýkraına polıııasy Aıdos Sadyqovty óltirmek bolǵan qylmyskerlerdi tapty”, dep jazdy onyń áıeli Natalıa Sadyqova Facebook-te.
Onyń aıtýynsha, bul eki Qazaqstan azamaty: 1991 jyly týǵan Meıram Qarataev pen 1988 jyly týǵan Altaı Jaqanbaev.
«Bul aramzalar» 2 maýsymda Kıevke kelip, jaldamaly páterlerde turyp, Aıdostyń sońynan erip, qylmysty josparlaǵan», — deıdi Sadyqova.
«Sonymen qatar, Meıram Qarataev Qostanaı oblysy IID qyzmetkeri, ol qyzmetkerler arasynda oq atý jarysynda birinshi oryn alǵan», — dep jazdy Natalıa.
Esterińizge sala keteıik, Sadyqov 18 maýsymda Kıevtegi úıiniń janynda kólikte otyrǵan kezde belgisiz bireý ony atyp, qashyp ketken. «Baza» oppozıııalyq jobasynyń avtorynyń qasynda onyń áıeli, jobanyń teń avtory Natalıa Sadyqova bolǵan. Ol jaraqat alǵan joq.
19 maýsymda prezıdent Qasym-Jomart Toqaev Sadyqovqa jasalǵan qastandyqqa qatysty pikir bildirip, dıplomatııalyq departament pen quqyq qorǵaý organdary arqyly osy aýyr oqıǵaǵa qatysty resmı saýal joldaýdy tapsyrdy.
Qazir Aıdos Sadyqovtyń jaǵdaıy óte aýyr.
