Armenııa 21 maýsym kúni Almatyda ótetin UQShU Syrtqy ister mınıstrleri keńesiniń otyrysyna qatyspaıdy. Bul týraly eldiń Syrtqy ister mınıstrliginiń baspasóz hatshysy Anı Badalıan aıtty, dep habarlaıdy «Adyrna» tilshisi.
«Armenııanyń syrtqy ister mınıstri Ararat Mırzoıan Almatyda ótetin UQShU Syrtqy ister mınıstrleri keńesiniń otyrysyna qatyspaıdy»,- dedi ol jergilikti BAQ-qa bergen suqbatynda.
Armenııa osyǵan deıin de birneshe ret ótken UQShU Qaýipsizdik keńesiniń otyrysyna qatysýdan bas tartqan edi. 12 maýsymda premer-mınıstr Nıkol Pashınıan eldiń UQShU-dan shyǵý nıetin rastady.
Aıta keteıik, Ujymdyq qaýipsizdik týraly shart uıymyna qatysýshy elderdiń Syrtqy ister mınıstrleri 21 maýsymda Almatyǵa SIM Keńesiniń otyrysyna qatysý úshin keledi. SIM basshylary halyqaralyq jáne óńirlik qaýipsizdiktiń ózekti máselelerin talqylamaq. Sondaı-aq olar UQShU-ǵa tóraǵalyq etý kezeńinde Qazaqstannyń basymdyqtaryn oryndaý jónindegi is-sharalardy iske asyrýdy qarastyrady.
