Ūjymdyq qauıpsızdık şarty ūiymynyŋ (ŪQŞŪ) bas hatşysy İmanǧali Tasmaǧambetov reseilık İzvestiia basylymyna sūhbat berıp, Europa elderınıŋ Ukrainaǧa äsker jıberu mümkındıgıne qatysty pıkır bıldırdı, dep habarlaidy “Adyrna” ūlttyq portaly Nege.kz-ke sıltep.
Tasmaǧambetovtıŋ aituynşa, Europa būl mäselenı būǧan deiın de talqylaǧan, alaida resmi türde ıske asyrmaǧan. Öitkenı, mūndai qadam aimaqtyq qauıpsızdıkke qater töndıruı mümkın.
«Europa Ukrainaǧa äsker jıberu mümkındıgın qarastyryp jatyr. Būl aimaqtaǧy qauıpsızdıkke qauıp töndıre me? ŪQŞŪ mūndai jaǧdaiǧa jauap beru şaralaryn qarastyryp jatyr ma?» – degen basylymnyŋ sūraǧyna:
ŪQŞŪ bas hatşysynyŋ aituynşa, eger mūndai qauıp tuyndasa, ūiym öz jarǧylyq qūjattaryna säikes, müşe memleketterdıŋ kelısımımen tiıstı şaralardy qabyldauǧa daiyn. Aita keteiık, soŋǧy uaqytta bırqatar europalyq saiasatkerler Ukrainaǧa bıtımgerşılık äsker jıberu mäselesın kötere bastaǧany BAQ betterınde tarai bastaǧan.«Europa elderı Ukrainaǧa äsker jıberu mümkındıgın bırınşı ret talqylap otyrǧan joq. Alaida resmi türde ıske asyrmady. Sebebı, būl aimaqtyq auqymda qauıptı jaǧdai tuǧyzuy mümkın. Onyŋ üstıne ekonomika men äleumettık saladaǧy keleŋsız qūbylystardan şarşaǧan Europa elderınıŋ halqy öz ükımetterınıŋ mūndai şeşımın qūptauy ekıtalai. Öitkenı, kontingentter şabuyldau operasiialaryna qatyspasa da, mysaly, polisiia nemese baqylau qyzmetın atqaratyn bolsa, būl qoǧamǧa auyrtpalyq salady. Mūndai qauıp-qater tuyndaǧan jaǧdaida, ŪQŞŪ ūiym jarǧylyq qūjattarynda qarastyrylǧan jäne müşe memleketterdıŋ barlyǧy maqūldaǧan kömektıŋ türlı nūsqalaryn ūsynuǧa daiyn bolady», – dep jauap berdı Tasmaǧambetov.
Ūqsas jaŋalyqtar
