Armeniia Ūjymdyq qauıpsızdık turaly şart ūiymyna (ŪQŞŪ) qatysuyn toqtatty. Būl turaly eldıŋ premer-ministrı Nikol Paşinian France24 telearnasyna bergen sūhbatynda mälımdedı, dep habarlaidy «Adyrna» tılşısı.
Aituynşa, Armeniiaǧa qatysty ūjymdyq qauıpsızdık turaly kelısım, äsırese 2021-2022 jyldary oryndalmaǧan.
«Būl jaǧdai nazarymyzdan tys qalmady. Bız būl kelısımge qatysuymyzdy toqtatyp qoidyq. Ary qarai ne bolatynyn köreiık»,—dedı ol.
«Armeniiadaǧy Resei äskeri bazasynyŋ jabyluy mümkın be?» degen sūraqqa Paşinian «Qazır bız būl turaly aityp otyrǧan joqpyz» dep jauap berdı.
Aita keteiık, Ūjymdyq qauıpsızdık şarty ūiymy – tötenşe jaǧdai tuyndaǧan kezde serıktes elderdegı jaǧdaidy tūraqtandyru maqsatynda TMD memleketterı qūrǧan äskeri-saiasi odaq. ŪQŞŪ-ǧa Armeniiadan bölek, Qazaqstan, Resei, Belarus, Qyrǧyzstan jäne Täjıkstan müşelık etedı.
Ūqsas jaŋalyqtar
