Ýkraınadaǵy soǵysqa 2 jyl tolarda. Armenııa UQShU-ǵa músheligin toqtatqanyn jarııalady

1694
Adyrna.kz Telegram

Armenııa Ujymdyq qaýipsizdik týraly shart uıymyna (UQShU) qatysýyn toqtatty. Bul týraly eldiń premer-mınıstri Nıkol Pashınıan France24 telearnasyna bergen suhbatynda málimdedi, dep habarlaıdy «Adyrna» tilshisi.

Aıtýynsha, Armenııaǵa qatysty ujymdyq qaýipsizdik týraly kelisim, ásirese 2021-2022 jyldary oryndalmaǵan.

«Bul jaǵdaı nazarymyzdan tys qalmady. Biz bul kelisimge qatysýymyzdy toqtatyp qoıdyq. Ary qaraı ne bolatynyn kóreıik»,—dedi ol.

«Armenııadaǵy Reseı áskerı bazasynyń jabylýy múmkin be?» degen suraqqa Pashınıan  «Qazir biz bul týraly aıtyp otyrǵan joqpyz» dep jaýap berdi.

Aıta keteıik, Ujymdyq qaýipsizdik sharty uıymy – tótenshe jaǵdaı týyndaǵan kezde seriktes elderdegi jaǵdaıdy turaqtandyrý maqsatynda TMD memleketteri qurǵan áskerı-saıası odaq. UQShU-ǵa Armenııadan bólek, Qazaqstan, Reseı, Belarýs, Qyrǵyzstan jáne Tájikstan múshelik etedi.

Pikirler