Almaty oblysynda 2023 jyldyń qarasha aıynda iz-tússiz joǵalyp ketken er adamnyń denesi tabyldy, dep habarlaıdy "Adyrna" portaly LIDER.KZ eriktileriniń ınsta-paraqshasyna siltep.
1986 jyly týǵan Júnisbaev Ǵanı Asqaruly 2023 jyldyń 18 qarasha kúni joǵalyp ketken. Keshke qaraı Tamǵaly tas jolyndaǵy fazenda aýmaǵynan shyǵyp, sol kúıi qaıtyp oralmaǵan.
Belgileri: boıy – 165-170 santımetr, aryq deneli, qara óńdi, shashy qysqa, kózi qońyr.
Joǵalǵan jigittiń aǵasy buǵan deıin fazendada menedjer bolyp jumys istegenin aıtqan. Onyń aıtýynsha, joǵalyp ketkennen keıin shamamen bir aptadan keıin er adamdy Almatyda birinshi vokzal men Sholohov kóshesindegi bazar mańynda kórgen degen boljamdar aıtylǵan.
Eriktilerdiń aıtýynsha, er adamnyń denesi Ile ózeninen tabylǵan. Máıit aǵys boıymen tómendep ketken. Er adam sýǵa batyp ketken degen boljam bar. Ólimniń naqty sebebin saraptama anyqtaıdy.
Posmotret etý pýblıkaııý v Instagram
