Qytaida ömır boiyna sottalǧan qazaq qyzynyŋ jaǧdaiy turaly SIM mälımet berdı, dep habarlaidy "Adyrna" ūlttyq portaly QazAqparatqa sıltep.
Syrtqy ıster ministrlıgınıŋ resmi ökılı Aibek Smadiiarov vedomstvonyŋ baspasöz mäslihatynda Qytaida sottalǧan Qazaqstan azamatşasy Aqjarqyn Tūrlybai turaly aitty.
BAQ ökılderı SIM-nen Aqjarqyn Tūrlybaidyŋ soŋǧy ret qaşan bailanysqa şyqqan sūrady. Būl sūraqqa Aibek Smadiiarov qysqa jauap berdı.«Soŋǧy 6-7 jylda äleumettık jelıde neşe türlı aqparat şyqty. Bıreuın de rastaǧan joqpyz. Sondyqtan oǧan qatysty aqparatty rastai almaimyn. Eger qandai da bır sūraqtaryŋyz bolsa, Bas prokuraturaǧa habarlassaŋyz bolady. Ekstradisiiaǧa osy memlekettık organ jauap beredı», - dedı SIM resmi ökılı.
«Bız bailanystamyz, jaǧdaiy jaqsy», - dedı ol.
Eske sala keteiık, Aqjarqyn Tūrlybai — 2014 jyly nauryzda ūstalǧan Qazaqstan azamaty. Oǧan şekaradan 4,5 kelı esırtkını alyp ötpek boldy degen aiyp taǧyldy. Ol kezde otandasymyz 20 jasta bolǧan edı. Kelesı jyly mausym aiynda Qytai soty qazaq qyzyn ömır boiyna bas bostandyǧynan aiyrdy. Sotta Aqjarqyn şeteldık dosy aldap ketkenın aityp, kınäsın moiyndaǧan joq. 2016 jyly sot şeşımı joiylyp, ıs qaita qarauǧa jıberılgen bolatyn.
Ūqsas jaŋalyqtar
