Qazaqstan Prezıdenti Qasym-Jomart Toqaev jerdi sheteldikterge satýǵa tyıym salatyn zańǵa qol qoıdy, dep habarlaıdy "Adyrna" ulttyq portaly Aqordaǵa silteme jasap.
"Memleket basshysy "Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", - delingen Aqorda habarlamasynda.
Zań mátini keıinirek baspa túrinde jarııalanady.
Buǵan deıin Parlament aýylsharýashylyq jerlerin sheteldikterge, oblıgaııalarǵa jáne sheteldik zańdy tulǵalarǵa ıelik etýge tyıym salatyn zań qabyldady.
Zań jobasynyń maqsaty - sheteldikterdiń, azamattyǵy joq adamdardyń, sheteldik zańdy tulǵalardyń, sheteldik qatysýy bar Qazaqstannyń zańdy tulǵalarynyń, halyqaralyq uıymdardyń, halyqaralyq qatysýy bar ǵylymı ortalyqtardyń, sondaı-aq qandastardyń aýyl sharýashylyǵy maqsatyndaǵy jer ýchaskelerin jeke menshik quqyǵymen jáne ýaqytsha jer paıdalaný quqyǵymen ıelenýine tyıym salýdy engizý.
Sonymen qatar, zań jobasynda Qazaqstan azamattyǵy toqtatylǵan jáne sheteldik azamattar men zańdy tulǵalar Qazaqstannyń zańdy tulǵasynyń qatysýshylary quramyna kirgen jaǵdaılarda aýyl sharýashylyǵy maqsatyndaǵy jerlerdi ıelikten shyǵarý máseleleri retteldi.
Toqaev jańa zańnyń bastamashysy boldy. Ol qazaqstandyq jer sheteldikterge satylýy múmkin degen qaýesetti toqtatý úshin bul máseleni shuǵyl sheshýdi tapsyrdy.
"Adyrna" ulttyq portaly
