Qaraǵandy oblysynyń turǵyndary «Taza Qazaqstan» respýblıkalyq ekologııalyq akııasyn barynsha qoldady. Barlyq qalalar men aýdandarda tek senbilikter, «taza beısenbi» ǵana emes, sonymen qatar ekologııalyq mádenıetti qalyptastyrýǵa, týǵan jerine uqypty qaraýǵa baǵyttalǵan túrli is-sharalar ótýde.
Buqar Jyraý aýdanynyń Botaqara kentinde jastardyń qatysýymen ekologııalyq kvest ótti. Sharanyń maqsaty – qorshaǵan ortanyń lastaný problemasyna nazar aýdarý, ekoeriktilikti damytý.
Ortalyq saıabaqty tazalaýǵa Doskeı jáne Petrovka eldi mekenderiniń jastary da keldi. Kvest qatysýshylaryna jarystar uıymdastyrylyp, oıyn túrinde olar turmystyq qaldyqtardy durys suryptaýdy úırendi. Eń belsendileri syılyqtarmen marapattaldy.
- Sáýir aıynyń basynda Memleket basshysy bastamashylyq etken «Taza Qazaqstan» akııasyn qazaqstandyqtar keńinen qoldady. Bul óte qajet jáne mańyzdy, birinshi kezekte óz jerimizge, óz úıimizge uqypty qaraýǵa baǵyttalǵan, - deıdi jastar kóshbasshysy Janbolat Jańbyrbaev. - Kvestke qatysýshylar oıyn arqyly ekologııaǵa degen qamqorlyq pen tazalyqty, tabıǵatty zertteýge, qorǵaýǵa degen umtylysty saqtaý jáne nasıhattaý qajettiligin qalyptastyrady. Qorshaǵan ortaǵa uqypty qaraý árqaısymyzdyń júregimizde bolýy kerek jáne bizdiń basty mindetimiz - ony jas urpaqqa jetkizý.
Buqar Jyraý aýdanynda «Taza Qazaqstan» akııasyna 230 ujym – bes myńǵa jýyq adam qatysty. 130 arnaıy tehnıka jumyldyryldy. 10,5 myń tonna qaldyq shyǵaryldy, 44 ruqsat etilmegen polıgon joıyldy. «Móldir bulaq» aptalyǵynda 30-dan astam bulaq tazartyldy.
Óskeleń urpaqtyń tabıǵatqa qamqorlyq tanytyp, jaýapkershiligin oıatý maqsatynda muǵalimder oqýshylarmen jáne ata-analarmen arnaıy qus uıasyn jasady.
Sondaı-aq, eldi mekenderdi kógaldandyrý baǵytynda da jumystar jalǵasýda.
Buqar Jyraý aýdanynda osy kóktemde 5 300-den astam aǵash egildi. Mysaly, Qaraqudyq aýylynda jergilikti kásipkerler týǵan ólkesiniń tabıǵatyn jaqsartý úshin akııa aıasynda pıramıdaly jáne kúmis terek, qyzyl sheten aǵashtarynyń 400 kóshetin ekti. Bul áleýmettik jaýapkershilik pen patrıotızmniń úlgisi.
Ekologııalyq akııalar áli de jalǵasady, olardyń aýmaǵy da keńeıedi. Oblystyń ár buryshy qamtylýy tıis. Mindet – qalalar men aýyldardy birlesip taza ári jaıly etý.
