Qaraǧandy oblysynyŋ tūrǧyndary «Taza Qazaqstan» respublikalyq ekologiialyq aksiiasyn barynşa qoldady. Barlyq qalalar men audandarda tek senbılıkter, «taza beisenbı» ǧana emes, sonymen qatar ekologiialyq mädeniettı qalyptastyruǧa, tuǧan jerıne ūqypty qarauǧa baǧyttalǧan türlı ıs-şaralar ötude.
Būqar Jyrau audanynyŋ Botaqara kentınde jastardyŋ qatysuymen ekologiialyq kvest öttı. Şaranyŋ maqsaty – qorşaǧan ortanyŋ lastanu problemasyna nazar audaru, ekoerıktılıktı damytu.
Ortalyq saiabaqty tazalauǧa Doskei jäne Petrovka eldı mekenderınıŋ jastary da keldı. Kvest qatysuşylaryna jarystar ūiymdastyrylyp, oiyn türınde olar tūrmystyq qaldyqtardy dūrys sūryptaudy üirendı. Eŋ belsendılerı syilyqtarmen marapattaldy.
- Säuır aiynyŋ basynda Memleket basşysy bastamaşylyq etken «Taza Qazaqstan» aksiiasyn qazaqstandyqtar keŋınen qoldady. Būl öte qajet jäne maŋyzdy, bırınşı kezekte öz jerımızge, öz üiımızge ūqypty qarauǧa baǧyttalǧan, - deidı jastar köşbasşysy Janbolat Jaŋbyrbaev. - Kvestke qatysuşylar oiyn arqyly ekologiiaǧa degen qamqorlyq pen tazalyqty, tabiǧatty zertteuge, qorǧauǧa degen ūmtylysty saqtau jäne nasihattau qajettılıgın qalyptastyrady. Qorşaǧan ortaǧa ūqypty qarau ärqaisymyzdyŋ jüregımızde boluy kerek jäne bızdıŋ basty mındetımız - ony jas ūrpaqqa jetkızu.
Būqar Jyrau audanynda «Taza Qazaqstan» aksiiasyna 230 ūjym – bes myŋǧa juyq adam qatysty. 130 arnaiy tehnika jūmyldyryldy. 10,5 myŋ tonna qaldyq şyǧaryldy, 44 rūqsat etılmegen poligon joiyldy. «Möldır būlaq» aptalyǧynda 30-dan astam būlaq tazartyldy.
Öskeleŋ ūrpaqtyŋ tabiǧatqa qamqorlyq tanytyp, jauapkerşılıgın oiatu maqsatynda mūǧalımder oquşylarmen jäne ata-analarmen arnaiy qūs ūiasyn jasady.
Sondai-aq, eldı mekenderdı kögaldandyru baǧytynda da jūmystar jalǧasuda.
Būqar Jyrau audanynda osy köktemde 5 300-den astam aǧaş egıldı. Mysaly, Qaraqūdyq auylynda jergılıktı käsıpkerler tuǧan ölkesınıŋ tabiǧatyn jaqsartu üşın aksiia aiasynda piramidaly jäne kümıs terek, qyzyl şeten aǧaştarynyŋ 400 köşetın ektı. Būl äleumettık jauapkerşılık pen patriotizmnıŋ ülgısı.
Ekologiialyq aksiialar älı de jalǧasady, olardyŋ aumaǧy da keŋeiedı. Oblystyŋ är būryşy qamtyluy tiıs. Mındet – qalalar men auyldardy bırlesıp taza ärı jaily etu.
