قاراعاندى وبلىسىنىڭ تۇرعىندارى «تازا قازاقستان» رەسپۋبليكالىق ەكولوگيالىق اكتسياسىن بارىنشا قولدادى. بارلىق قالالار مەن اۋدانداردا تەك سەنبىلىكتەر، «تازا بەيسەنبى» عانا ەمەس، سونىمەن قاتار ەكولوگيالىق مادەنيەتتى قالىپتاستىرۋعا، تۋعان جەرىنە ۇقىپتى قاراۋعا باعىتتالعان ءتۇرلى ءىس-شارالار وتۋدە.
بۇقار جىراۋ اۋدانىنىڭ بوتاقارا كەنتىندە جاستاردىڭ قاتىسۋىمەن ەكولوگيالىق كۆەست ءوتتى. شارانىڭ ماقساتى – قورشاعان ورتانىڭ لاستانۋ پروبلەماسىنا نازار اۋدارۋ، ەكوەرىكتىلىكتى دامىتۋ.
ورتالىق ساياباقتى تازالاۋعا دوسكەي جانە پەتروۆكا ەلدى مەكەندەرىنىڭ جاستارى دا كەلدى. كۆەست قاتىسۋشىلارىنا جارىستار ۇيىمداستىرىلىپ، ويىن تۇرىندە ولار تۇرمىستىق قالدىقتاردى دۇرىس سۇرىپتاۋدى ۇيرەندى. ەڭ بەلسەندىلەرى سىيلىقتارمەن ماراپاتتالدى.
- ءساۋىر ايىنىڭ باسىندا مەملەكەت باسشىسى باستاماشىلىق ەتكەن «تازا قازاقستان» اكتسياسىن قازاقستاندىقتار كەڭىنەن قولدادى. بۇل وتە قاجەت جانە ماڭىزدى، ءبىرىنشى كەزەكتە ءوز جەرىمىزگە، ءوز ۇيىمىزگە ۇقىپتى قاراۋعا باعىتتالعان، - دەيدى جاستار كوشباسشىسى جانبولات جاڭبىرباەۆ. - كۆەستكە قاتىسۋشىلار ويىن ارقىلى ەكولوگياعا دەگەن قامقورلىق پەن تازالىقتى، تابيعاتتى زەرتتەۋگە، قورعاۋعا دەگەن ۇمتىلىستى ساقتاۋ جانە ناسيحاتتاۋ قاجەتتىلىگىن قالىپتاستىرادى. قورشاعان ورتاعا ۇقىپتى قاراۋ ارقايسىمىزدىڭ جۇرەگىمىزدە بولۋى كەرەك جانە ءبىزدىڭ باستى مىندەتىمىز - ونى جاس ۇرپاققا جەتكىزۋ.
بۇقار جىراۋ اۋدانىندا «تازا قازاقستان» اكتسياسىنا 230 ۇجىم – بەس مىڭعا جۋىق ادام قاتىستى. 130 ارنايى تەحنيكا جۇمىلدىرىلدى. 10,5 مىڭ توننا قالدىق شىعارىلدى، 44 رۇقسات ەتىلمەگەن پوليگون جويىلدى. «ءمولدىر بۇلاق» اپتالىعىندا 30-دان استام بۇلاق تازارتىلدى.
وسكەلەڭ ۇرپاقتىڭ تابيعاتقا قامقورلىق تانىتىپ، جاۋاپكەرشىلىگىن وياتۋ ماقساتىندا مۇعالىمدەر وقۋشىلارمەن جانە اتا-انالارمەن ارنايى قۇس ۇياسىن جاسادى.
سونداي-اق، ەلدى مەكەندەردى كوگالداندىرۋ باعىتىندا دا جۇمىستار جالعاسۋدا.
بۇقار جىراۋ اۋدانىندا وسى كوكتەمدە 5 300-دەن استام اعاش ەگىلدى. مىسالى، قاراقۇدىق اۋىلىندا جەرگىلىكتى كاسىپكەرلەر تۋعان ولكەسىنىڭ تابيعاتىن جاقسارتۋ ءۇشىن اكتسيا اياسىندا پيراميدالى جانە كۇمىس تەرەك، قىزىل شەتەن اعاشتارىنىڭ 400 كوشەتىن ەكتى. بۇل الەۋمەتتىك جاۋاپكەرشىلىك پەن ءپاتريوتيزمنىڭ ۇلگىسى.
ەكولوگيالىق اكتسيالار ءالى دە جالعاسادى، ولاردىڭ اۋماعى دا كەڭەيەدى. وبلىستىڭ ءار بۇرىشى قامتىلۋى ءتيىس. مىندەت – قالالار مەن اۋىلداردى بىرلەسىپ تازا ءارى جايلى ەتۋ.
