Kókshetaý, Qosshy, ýchınsk jáne Zerendi aýdanynyń 200 otbasy jańa úılerde árlengen páterlerdiń kiltterin alady.
Aqmola oblysy ákiminiń bastamasymen osy jyldan bastap halyqtyń áleýmettik osal toptary sanatyna arnalǵan turǵyn úı salynbaıdy, olar naryqtyq quny boıynsha básekelestik negizde satyp alynatyn bolady. Talaptarǵa sáıkes páterler árlengen jáne jaılylyǵy joǵary bolýy kerek. Baǵdarlamaǵa qatysýshylar - jergilikti qurylys kompanııalary.
Bul joba úlken qajettiligi bar eldi mekenderde iske asyryla bastady.
Aqmola oblysynyń ákimi Marat Ahmetjanov qoǵam belsendileri men blogerlermen birge satyp alýǵa arnalǵan páterlerdi aralap kórdi.
«Búgingi tańda qala ákimdigi 129 páter satyp alýǵa konkýrs ótkizdi. Onyń qorytyndysy shyǵarylǵannan keıin osy aıdyń sońyna deıin turǵyndarǵa kiltterin tabystaımyz. Bizdiń basty talabymyz - páterlerge birden qonystanýǵa bolatyndaı jóndeý jumystaryn sapaly júrgizý kerek. Jumysty baqylaý úshin qoǵam qaıratkerleri men múddeli memlekettik organdar qatarynan komıssııa qurylady», - dep atap ótti M.Ahmetjanov.
Aıta keteıik, osy jyldyń sońyna deıin oblys boıynsha barlyǵy 841 páter berý josparlanyp otyr.
