Uly Abaı Qunanbaıulynyń 175-jyldyǵy aıasynda uıymdastyrylǵan Abaıdyń «Jıdebaı-Bórili» memlekettik qoryq-mýzeıinde «Ulylar murasyna taǵzym» rýhanı-tanymdyq ekspedıııasynyń qorytyndylaý rásimi ótti.
Atalmysh ekspedıııaǵa Qyzylorda oblysynyń qalalary men aýdandaryndaǵy mektep muǵalimderi men oqýshylarynan quralǵan 25 adam qatysty. Olar Abaı, Shákárim, Muhtardaı daralar týǵan mekenge kelip, ulylar rýhyna taǵzym etti.
- Ekspedıııa músheleri Semeıdegi «Beıbitshilik» araly, «Alash arystary - Muhtar Áýezov» mýzeıi, oblystyq tarıhı ólketaný mýzeıi sııaqty qalanyń kórnekti jerlerimen tanysyp, Kúshikbaı bulaǵy, Ǵazıza beıiti, Bórilidegi Muhtar Áýezovtyń mýzeı-úıi, Hakim Abaıdyń týǵan jeri «Syrt-Qasqabulaq», Eraly jazyǵyndaǵy «Eńlik-Kebek» kesenesi, Jıdebaı jerindegi Abaıdyń mýzeı-úıi, «Abaı-Shákárim» mavzoleı-kesheni, Keńgirbaı bı kesenesi, «Qońyr áýlıe» úńgiri syndy halqymyzdyń tarıhy men taǵdyry jolyndaǵy úlken mańyzǵa ıe tarıhı mekender men rýhanı oryndardy aralady, - dedi Abaıdyń «Jıdebaı-Bórili» memlekettik qoryq-mýzeıiniń baspasóz hatshysy Qýat Qıyqbaı.
«Ulylar murasyna taǵzym» rýhanı-tanymdyq ekspedıııasyna arnalǵan shara barysynda muǵalimder men mektep oqýshylary alǵan áserlerimen bólisip, Abaı, Shákárim, Muhtar shyǵarmalarynan úzindiler oqydy.
Shara sońynda Abaı murasyn nasıhattaýǵa úles qosqan ekspedıııa múshelerine Abaıdyń «Jıdebaı-Bórili» memlekettik qoryq-mýzeıi men Shákárim atyndaǵy Semeı memlekettik ýnıversıtetiniń alǵys hattary men sertıfıkattary tabystaldy.
"Adyrna" ulttyq portaly
